கோவை:
கோவை மாவட்டம் காரமடை அருகே உள்ள கண்ணாரபாளையத்தை சேர்ந்தவர் கிட்டப்பன். இவரது மனைவி தனலட்சுமி (வயது 52). கூலித் தொழிலாளி.
சம்பவத்தன்று இவர் தனது வீட்டை பூட்டி விட்டு ஓம் சக்தி நகரில் உள்ள தனது சகோதரன் வீட்டிற்கு சென்றார். அப்போது தனலட்சுமி வீட்டின் முன் பக்க கதவை உடைத்து கொள்ளையர்கள் உள்ளே நுழைந்தனர். பின்னர் அறையில் இருந்த பீரோவை திறந்து அதில் இருந்த செயின், கம்மல், கைசெயின் உள்பட 5½ பவுன் தங்க நகைகள் ரூ. 95 ஆயிரம் ரொக்க பணம் ஆகியவற்றை கொள்ளையடித்து தப்பிச் சென்றனர்.
மறுநாள் வீட்டிற்கு வந்த தனலட்சுமி கதவு உடைக்கப்பட்டு திறந்து இருப்பது கண்டு அதிர்ச்சியடைந்தார். வீட்டின் உள்ளே சென்று பார்த்த போது நகை, பணம் கொள்ளை போயிருப்பது தெரிய வந்தது.
இது குறித்து அவர் காரமடை போலீசாருக்கு தகவல் தெரிவித்தார். உடனடியாக போலீசார் சம்பவஇடத்துக்கு விரைந்து சென்று விசாரணை நடத்தினர். மேலும் சம்பவஇடத்துக்கு கைரேகை நிபுணர்கள் வரவழைக்கப்பட்டனர்.
அவர்கள் வீட்டில் பதிவாகி இருந்த கொள்ளையர்களின் கைரேகைகளை பதிவு செய்தனர். இதனை வைத்து காரமடை போலீசார் வழக்குப்பதிவு செய்து வீட்டின் கதவை உடைத்து 5½ பவுன் தங்க நகைகள், ரூ.95 ஆயிரம் ரொக்க பணம் ஆகியவற்றை கொள்ளையடித்து சென்ற மர்மநபர்களை தேடி வருகிறார்கள்.
