உடுமலை:
உடுமலை தண்டாயுதபாணி லே-அவுட் பகுதியைச் சேர்ந்தவர் ராஜேந்திரன் (வயது 62). ஓய்வுபெற்ற முதுநிலை பட்டதாரி ஆசிரியர். சம்பவத்தன்று இவர் தனது குடும்பத்துடன் மதுரை கோவிலுக்கு சென்றுள்ளார். அங்கு சாமி கும்பிட்டு விட்டு பின்னர் இரவு 7 மணியளவில் வீட்டிற்கு திரும்பி வந்தனர். அப்போது வீட்டின் கிரில் கதவில் பூட்டபட்டிருந்த பூட்டு உடைக்கப்பட்டிருந்தது. மெயின் கதவும் உடைக்கப்பட்டிருந்தது.
இதனால் அதிர்ச்சி அடைந்து வீட்டின் உள்ளே சென்று பார்த்தபோதுவீட்டினுள் இருந்த 2 பீரோக்களும் உடைக்கப்பட்டு கதவுகள் திறந்திருந்தது. அதில் ஒரு பீரோவில் வைத்திருந்த ரூ.1 லட்சத்து 38 ஆயிரம் மற்றொரு பீரோவில் வைக்கப்பட்டிருந்த செயின், டாலர் செயின், மோதிரம்உள்பட 12½ பவுன் நகை ஆகியவை திருட்டு போய் இருந்தது.
இதுகுறித்து ராஜேந்திரன் உடுமலை போலீசில் புகார் செய்தார். இந்த புகாரின் பேரில் உடுமலை குற்றப்பிரிவு போலீசார் வழக்குப்பதிவு செய்து பூட்டை உடைத்து நகை, பணம் ஆகியவற்றை திருடிச்சென்ற மர்ம ஆசாமிகளை தேடி வருகின்றனர்.
