என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
பொங்கல் பண்டிகையையொட்டி தியாகதுருகம் வாரச்சந்தையில் ரூ.1 கோடிக்கு ஆடுகள் விற்பனை
Byமாலை மலர்10 Jan 2021 10:54 AM GMT (Updated: 10 Jan 2021 10:57 AM GMT)
பொங்கல் பண்டிகையையொட்டி தியாகதுருகம் வாரச்சந்தையில் ரூ.1 கோடிக்கு ஆடுகள் விற்பனையானது.
கண்டாச்சிமங்கலம்:
தியாகதுருகத்தில் ஒவ்வொரு வாரமும் சனிக்கிழமை தோறும் வாரச்சந்தை நடைபெறுவது வழக்கம். அதன்படி நேற்று நடைபெற்ற சந்தையில் தியாகதுருகம், ரிஷிவந்தியம், சங்கராபுரம், உள்ளிட்ட பகுதிகளைச் சேர்ந்த விவசாயிகள் தங்களின் ஆடுகளை விற்பனைக்காக கொண்டு வந்தனர்.
இதையடுத்து உளுந்தூர்பேட்டை, விழுப்புரம், கள்ளக்குறிச்சி, சின்னசேலம் ஆகிய பகுதிகளைச் சேர்ந்த வியாபாரிகள் போட்டி போட்டு ஆடுகளை வாங்கி லாரி, மினி லாரிகளில் ஏற்றி சொந்த ஊருக்கு கொண்டு சென்றனர். இதனால் தியாகதுருகம் சந்தையில் நேற்று ஆடுகள் விற்பனை அமோகமாக நடைபெற்றது.
இது குறித்து விவசாயி ஒருவர் கூறும்போது, பொங்கல் பண்டிகையையொட்டி கூடுதல் விலைக்கு விற்கலாம் என்று கருதி விவசாயிகள் பலர் தங்கள் ஆடுகளை விற்பனைக்காக சந்தைக்கு கொண்டு வந்தனர். வியாபாரிகளும் ஆடுகளை போட்டிபோட்டு ஆர்வத்துடன் வாங்கிச் சென்றனர். சந்தையில் குறைந்த பட்சமாக ஒரு ஆடு ரூ.6 ஆயிரத்துக்கும், அதிகபட்சமாக ரூ.12 ஆயிரத்துக்கும் விலைபோனது. ஆட்டுக்குட்டி ஒன்று ரூ.2,500 முதல் ரூ.6,000 வரை விலைபோனது. வழக்கமாக சந்தைக்கு வரும் ஆடுகளை விட நேற்று கூடுதலாக ஆடுகள் வந்தன. இதனால் சுமார் ரூ.1 கோடிக்கு ஆடுகள் விற்பனை நடைபெற்று இருக்கலாம். கடந்த 4 வாரங்களாக தமிழக அரசின் விலையில்லா ஆடுகள் வழங்கும் திட்டத்தில் பயனாளிகளுக்கு வழங்குவதற்காக இந்த சந்தையில் ஆடுகளை வாங்கியதால் ஆடுகள் கூடுதலாக விற்பனையானது விவசாயிகளுக்கு மகிழ்ச்சியை அளிப்பதாக கூறினார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X