என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
முதல்வர் எடப்பாடி பழனிச்சாமி 15-ந் தேதி திண்டுக்கல் வருகை
திண்டுக்கல்:
தமிழகத்தில் ராமநாதபுரம், விருதுநகர், திண்டுக்கல், கரூர் உள்பட 11 மாவட்டங்களில் அரசு மருத்துவ கல்லூரிகள் தொடங்க மத்திய அரசு அனுமதி அளித்தது. இதனைத் தொடர்ந்து தமிழக அரசு சார்பில் மருத்துவ கல்லூரிகள் அமைப்பதற்கான நிதி ஒதுக்கீடு செய்யப்பட்டது.
திண்டுக்கல் மாவட்டத்தில் ஒடுக்கம் பகுதியில் மருத்துவகல்லூரி அமைய உள்ளது. இதற்காக மாநகராட்சி வசம் இருந்த 22 ஏக்கர் நிலம் பெறப்பட்டது. இதற்கான அடிக்கல் நாட்டு விழா வருகிற 15-ந் தேதி நடைபெறுகிறது.
விழாவில் முதலமைச்சர் எடப்பாடி பழனிச்சாமி கலந்து கொண்டு அடிக்கல் நாட்டி பணிகளை தொடங்கி வைக்கிறார். மத்திய சுகாதாரத்துறை மந்திரி ஹர்ஷ்வர்தன், துணை முதல் அமைச்சர் ஓ.பன்னீர்செல்வம், அமைச்சர் சீனிவாசன் உள்பட பலர் கலந்து கொள்கின்றனர்.
இதனை முன்னிட்டு பாதுகாப்பு ஏற்பாடுகள் செய்வது குறித்த ஆலோசனை கூட்டம் திண்டுக்கல் மாவட்ட போலீஸ் சூப்பிரண்டு அலுவலகத்தில் டி.ஐ.ஜி. ஜோசி நிர்மல் குமார் தலைமையில் நடைபெற்றது. போலீஸ் சூப்பிரண்டு சக்திவேல் மற்றும் டி.எஸ்.பி.க்கள் கலந்து கொண்டனர். முதல்-அமைச்சர் மற்றும் முக்கிய பிரமுகர்கள் வரும் வழியில் செய்ய வேண்டிய ஏற்பாடுகள், கண்காணிப்பு கேமராக்கள் பொருத்துவது, தேவைப்படும் இடங்களில் போக்குவரத்து மாற்றம் செய்வது குறித்து ஆலோசனை நடத்தப்பட்டது.
திண்டுக்கல்லில் இருந்து ஒடுக்கம் செல்வதற்கு 2 பாதைகள் உள்ள நிலையில் முதலமைச்சர் மற்றும் அமைச்சர்கள் வருகைக்கு எந்த பாதையை தேர்வு செய்வது என்பது குறித்தும் ஆலோசனை நடத்தப்பட்டது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்