அமமுக-வில் இருந்து விபி கலைராஜன் நீக்கம்- டிடிவி தினகரன் நடவடிக்கை

சென்னை:

அமமுக-வின் தென்சென்னை வடக்கு மாவட்ட கழக செயலாளராக இருந்தவர் விபி கலைராஜன். இவர் அமமுக-வில் இருந்து அதிரடியாக நீக்கப்பட்டுள்ளார்.

இதுகுறித்து அமமுக-வின் துணை பொதுச் செயலாளர் டிடிவி தினகரன் வெளியிட்டுள்ள அறிக்கையில் ‘‘இவர் கழகத்தின் கொள்கை குறிக்கோள்களுக்கும், கோட்பாடுகளுக்கும் முரணான வகையில் செயல்பட்டதாலும், கழகத்தின் கண்ணியத்திற்கு மாசு ஏற்படும் வகையில் நடந்து கொண்டதாலும், கழகக் கட்டுப்பாட்டை மீறி கழகத்திற்கு களங்கமும், அவப்பெயரும் உண்டாகும் விதத்தில் செயல்பட்ட காரணத்தினாலும் கழகத்தின் அடிப்படை உறுப்பினர் பொறுப்பு உட்பட அனைத்துப் பொறுப்புகளில் இருந்தும் இன்று முதல் நீக்கி வைக்கப்படுகிறார். 

கழக உடன்பிறப்புகள் யாரும் அவருடன் எவ்வித தொடர்பும் வைத்துக்கொள்ளக்கூடாது’’ என்று தெரிவித்துள்ளார். #AMMK #dinakaran