என் மலர்

    நீங்கள் தேடியது "TTV Dinakaran"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்த செய்தியை ஆடியோ வடிவில் கேட்க "Play" பட்டனை கிளிக் செய்யவும்
    • ஸ்ரீவாரி மண்டபத்தில் அமமுக பொதுக்குழு கூட்டத்திற்கு ஏற்பாடு.
    • அமமுக துணைத் தலைவர் எஸ்.அன்பழகன் தலைமையில் பொதுக்குழு கூட்டம்.

    சென்னை வானகரத்தில் உள்ள ஸ்ரீவாரி மண்டபத்தில் அம்மா மக்கள் முன்னேற்ற கழகம் (அமமுக) சார்பில்  செயற்குழு, பொதுக்குழு கூட்டம் வரும் 15-ம் தேதி நடைபெற இருப்பதாக பொதுச் செயலாளர் டிடிவி தினகரன் அறிவித்துள்ளார்.

    இந்த பொதுக்குழு கூட்டம், துணைத் தலைவர் எஸ்.அன்பழகன் தலைமையில் நடைபெறவுள்ளதாகவும் அவர் தெரிவித்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆய்வுக் கூட்டத்திற்கு வருகை தரும் டி.டி.வி. தினகரனை பிரம்மாண்டமான முறையில் வரவேற்பது குறித்து ஆலோசனை நடைபெற்றது.
    • நிர்வாகிகளுக்கு ஆலோசனைகளை தென் மண்டல பொறுப்பாளர் மாணிக்கராஜா வழங்கினார்.

    கடையநல்லூர்:

    தென்காசி மாவட்டத்தில் வருகிற 15 மற்றும் 16-ந் தேதி நடைபெறும் பல்வேறு நிகழ்ச்சிகளில் அ.ம.மு.க. பொதுச்செயலாளர் டி.டி.வி. தினகரன் கலந்து கொள்கிறார்.

    ஆலோசனை

    அவரை வரவேற்பதற்கான கட்சி நிர்வாகிகள் ஆலோசனை கூட்டம் கடையநல்லூர் மாவட்ட அலுவலகத்தில் மாநில தேர்தல் பிரிவு செயலாளரும், தென் மண்டல பொறுப்பாளர், கயத்தார் யூனியன் தலைவருமான மாணிக்கராஜா தலைமையில் நடைபெற்றது.

    கூட்டத்தில் தென்காசி வடக்கு மாவட்ட செயலாளர் ராமச்சந்திர மூர்த்தி என்ற வினோத், தெற்கு மாவட்ட செயலாளர் முருகையா பாண்டியன், அவைத் தலைவர்கள் ஹைதர் அலி,இப்ராஹிம்ஷா, இணை, துணைச் செயலாளர்கள் கலா, பிச்சம்மாள், பூசைதுரை, சுமதிகண்ணன், கோமதி, அருனகிரி சாமி ஆகியோர் முன்னிலை வைத்தனர்.

    மாவட்ட சிறுபான்மை பிரிவு செயலாளர் ரெஸ்கல்லாஹ் வரவேற்றார். கூட்டத்தில் வருகின்ற 15, 16-ந் தேதி தென்காசி மாவட்டத்தில் நிர்வாகிகளின் ஆய்வுக் கூட்டத்திற்கு வருகை தரும் டி.டி.வி. தினகரனை பிரம்மாண்டமான முறையில் வரவேற்று ஆய்வுக் கூட்டத்தை நடத்துவது குறித்து நிர்வாகிகளுக்கு ஆலோசனைகளை தென் மண்டல பொறுப்பாளர் மாணிக்கராஜா வழங்கினார்.

    கூட்டத்தில் நகர செயலாளர்கள் வேலுச்சாமி, முத்துவேல், மாரியப்பன், வில்சன் ராமச்சந்திரன் உட்பட தென்காசி வடக்கு மற்றும் தெற்கு மாவட்டத்திற்கு உட்பட்ட நகர, பேரூர் ,ஒன்றிய, கிராம ஊராட்சிகளை சேர்ந்த நிர்வாகிகள், உறுப்பி னர்கள் ஏராளமா னோர் கலந்து கொண்டனர். நகர செயலாளர் வேல்சாமி நன்றி கூறினார்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    பல மாவட்டங்களில் கனமழை நீடிப்பதால் பொதுமக்களுக்கு தேவையான உதவிகள் கிடைப்பதை கழகத்தினர் உறுதி செய்திட வேண்டும் என டிடிவி தினகரன் கூறியுள்ளார்.

    சென்னை:

    அம்மா மக்கள் முன்னேற்ற கழக பொதுச்செயலாளர் டி.டி.வி தினகரன் டுவிட்டரில் வெளியிட்டுள்ள தகவல் வருமாறு:-

    தமிழகத்தில் பெய்து வரும் பருவமழையில் பாதிக்கப்பட்டவர்களுக்கு அப்பகுதியில் உள்ள கட்சி தொண்டர்கள் உதவி செய்து வருகிறார்கள்.

    தற்போது பல மாவட்டங்களில் கனமழை நீடிப்பதால் பொதுமக்களுக்கு தேவையான உதவிகள் கிடைப்பதை கழகத்தினர் உறுதி செய்திட வேண்டும்.

    இவ்வாறு அவர் கூறி உள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    தேர்தல் முடிந்த பிறகு மத்தியிலும், மாநிலத்திலும் ஆட்சி மாற்றம் நிகழப்போவதாக அ.ம.மு.க. பொதுச்செயலாளர் டி.டி.வி.தினகரன் உறுதி தெரிவித்துள்ளார்.
    சென்னை :

    அம்மா மக்கள் முன்னேற்ற கழக பொதுச்செயலாளர் டி.டி.வி.தினகரன், தன்னுடைய கட்சி தொண்டர்களுக்கு வேண்டுகோள் விடுத்து கடிதம் வடிவில் அனுப்பிய அறிக்கையில் கூறியிருப்பதாவது:-

    தமிழக அரசியல் வரலாற்றில் புதியதோர் அத்தியாத்தை நாம் படைக்க உள்ளோம். நெருக்கடிகள், அழுத்தங்கள், பொய் வழக்குகள் இவை அத்தனையையும் எதிர்கொண்டு, ஜெயலலிதாவின் தூய தொண்டர்களாக, ஜெயலலிதாவை போலவே எதற்கும் அஞ்சாமல் முன்னேறிச் சென்று தமிழகம், புதுச்சேரி உள்பட 39 நாடாளுமன்ற தொகுதிகளிலும், சட்டமன்ற இடைத்தேர்தல்களிலும் நாம் தனி முத்திரை பதித்துள்ளோம்.

    சுயேச்சைகள் என்ற அளவுக்கு அதிகார வர்க்கம் தள்ளியபோதும், நாட்களை கடத்தி நமக்கு ‘பரிசு பெட்டகம்’ சின்னத்தை வழங்கிய நிலையிலும் பிரசார களத்தில் முதன்மையாக திகழ்ந்தது நாம் தான். அரசியல் வரலாற்றில் எந்த ஓர் அமைப்புக்கும் ஏற்படாத நெருக்கடிகளை நாம் சந்தித்தோம். எதிரிகளின் சூழ்ச்சி ஏற்படுத்திய அழுத்தங்களுக்கு ஆட்படாமல், ஏறுமுகம் கொண்டு வீறுகொண்ட வேங்கைகளாய் களம் கண்டோம்; களம் வெல்லப்போகிறோம்.

    நமக்குத்தான் மக்களின் ஆதரவு என்பதை ஒவ்வொரு கணத்திலும் உணர முடிந்தது. 4 சட்டமன்ற தொகுதிகளுக்கான இடைத்தேர்தலிலும் நாமே முன்னணியில் நிற்கிறோம். ‘இப்படை தோற்கின் எப்படை வெல்லும்’ என்பதை நாம் நிரூபிக்கப்போகிறோம். தேர்தல் முடிந்த பிறகு மே 23-ல் தமிழக அரசியல் ஒரு புதிய தொடக்கத்தை காணப்போகிறது. துரோக கும்பலை அப்புறப்படுத்தப்போகிறது.



    மத்தியிலும், மாநிலத்திலும் ஆட்சி மாற்றம் நிகழப்போகிறது. அந்தளவுக்கு துரோக கும்பலை தமிழக மக்கள் அருவெறுப்பாக பார்க்கிறார்கள். ஆகையால், இந்த 4 சட்டமன்ற தொகுதி இடைத்தேர்தலில் நம்முடைய முழு உழைப்பை அர்ப்பணித்திடுவோம். கவனம் சிதறாமல் ஒவ்வொரு வாக்கையும் பரிசு பெட்டகத்துக்கு கொண்டு வந்து சேர்ப்போம்.

    தமிழகத்துக்கும், தமிழக மக்களுக்கும் துரோக கும்பல் செய்த அக்கிரமத்துக்கும், ஏற்றிவிட்ட ஏணியை எட்டி உதைத்த பெரும் துரோகத்துக்கும் சரியான பாடம் கிடைக்கப்போகிறது. உங்கள் ஒவ்வொருவரின் உழைப்பின் வலிமையால் அது சாத்தியமாகப் போகிறது. ஜெயலலிதாவின் கொள்கைகள் வாழவேண்டும்.

    துரோகம் தோற்கவேண்டும் என்ற நம்முடைய எண்ணம் ஈடேறும் நாள் அருகில் வந்துவிட்டது. நாம் வெற்றி கோட்டினை தொட இருக்கிறோம். மே 23-ஐ துரோகம் ஒழிக்கப்பட்ட நாளாக தமிழ் கூறும் நல்லுலகம் கொண்டாட இருக்கிறது. ஆம் நாளை நமதே!

    இவ்வாறு அவர் கூறியுள்ளார்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    அ.ம.மு.க., ஆட்சிக்கு வர வேண்டும், அதிகாரத்தை கைப்பற்ற வேண்டும் என்பதை விட, தமிழகத்தில் உள்ள துரோகிகளை ஒழித்து கட்ட வேண்டும் என்பதே முக்கியம் என டிடிவி தினகரன் தெரிவித்துள்ளார்.
    தூத்துக்குடி:

    ஓட்டப்பிடாரம் சட்டமன்ற தொகுதி அ.ம.மு.க. வேட் பாளர் சுந்தரராஜை ஆதரித்து, அக்கட்சியின் பொதுச்செயலாளர் டி.டி.வி.தினகரன் நேற்று புதுக்கோட்டை, கோரம்பள்ளம், தூத்துக்குடி ஹவுசிங் போர்டு, மாப்பிள்ளையூரணி, டேவிஸ்புரம், தாளமுத்துநகர், தருவைகுளம் ஆகிய பகுதிகளில் பிரசாரம் செய்தார். அப்போது அவர் பேசியதாவது:-

    நடந்து முடிந்த நாடாளுமன்ற தேர்தல், இடைத்தேர்தல்களில் ஆளும் கட்சி படுதோல்வி அடையும் என்பதால், முதல்-அமைச்சர் எடப்பாடி பழனிசாமி மேலும் 3 எம்.எல்.ஏ.க்களுக்கு சபா நாயகர் மூலம் நோட்டீஸ் கொடுத்தார். ஆனால் உச்சநீதிமன்றம் தடை விதித்து விட்டது. இந்த ஆட்சி வருகிற 23-ந் தேதியுடன் முடிவுக்கு வருவது உறுதியாகிவிட்டது. ஏற்கனவே அ.தி.மு.க.வுக்கு எதிராக வாக்களித்த ஓ.பன்னீர்செல்வத்துக்கு துணை முதல்-அமைச்சர் பதவி கொடுத்தனர். ஆனால் அ.தி.மு.க.வுக்கு வாக்களித்த 18 பேருக்கு தகுதிநீக்கத்தை எடப்பாடி பழனிசாமி வழங்கி உள்ளார். இந்த ஆட்சி மக்களால் அகற்றப்படும் நிலை உருவாகி விட்டது. அதனால்தான் செல்லும் இடமெல்லாம் என்னை வாய்க்கு வந்தபடி பேசு கிறார்.

    நான் தி.மு.க.வுடன் கூட்டணி வைத்து இருப்பதாக கூறுகிறார். தி.மு.க. வேட்பாளர் வெற்றி பெறுவதற்காக நாங்கள் வேட்பாளரை நிறுத்தி இருப்பதாக கூறுகிறார். ஆர்.கே.நகரில் தி.மு.க.வை டெபாசிட் இழக்க செய்தவர்கள் நாங்கள். எம்.ஜி.ஆர்., ஜெயலலிதாவிடம் இருந்த வெற்றி சின்னமான இரட்டை இலை சின்னத்தில் துரோக கறை படிந்து இருப்பதால், ஆர்.கே.நகர் மக்கள் துரோகத்துக்கு வாக்களிக்க மாட்டோம் என்று இரட்டை இலையை தோற்கடித்தனர். நாங்கள் தி.மு.க.வுடன் கூட்டணி வைக்கவில்லை என்பது மக்களுக்கு தெரியும். கடந்த முறை சுந்தரராஜ் 500 வாக்கு வித்தியாசத்தில் வெற்றி பெற்றார். இந்த முறை 50 ஆயிரம் வாக்கு வித்தியாசத்தில் வெற்றிபெற செய்யுங்கள். 2-வது இடத் துக்குதான் மற்றவர்கள் போட்டியிட்டு வருகின்றனர்.

    ஸ்டெர்லைட் ஆலை போராட்டத்தின்போது போராடிய மக்கள் 13 பேரை சுட்டுக்கொலை செய்தது எடப்பாடி பழனிசாமி அரசு. அதற்கு மே 23-ந் தேதிக்கு பிறகு அவர் தமிழக மக்களுக்கு பதில் சொல்ல வேண்டிய நேரம் வந்து விட்டது. அந்த 13 பேரை போலீசார் சுடுவதற்கு யார் காரணமாக இருந்தார்கள்?, யார் அவர்களுக்கு ஆணையிட்டார்கள்? என்பதை வெளிக் கொண்டு வரும் நேரம் வந்து விட்டது. நிரந்தரமாக ஸ்டெர்லைட் ஆலையை மூடுவதற்கு நீங்கள் வாக்களிக்க வேண்டிய சின்னம் பரிசு பெட்டகம்.

    தமிழக மக்கள் விரும்பாத எந்த திட்டத்தையும் தமிழகத்தில் அனுமதிக்க விடமாட்டோம் என்ற உறுதியோடு செயல்பட்டு வரும் கட்சி அ.ம.மு.க., ஆட்சிக்கு வர வேண்டும், அதிகாரத்தை கைப்பற்ற வேண்டும் என்பதை விட, தமிழகத்தில் உள்ள துரோகிகளை ஒழித்து கட்ட வேண்டும். ஏற்கனவே 5 முறை ஆட்சி செய்த தி.மு.க. ஆட்சிக்கு வந்து மக்களுக்கு பயன் இல்லை என்பது எடுத்துக்கூறி உண்மையான மக்கள் ஆட்சியை தமிழகத்தில் உருவாக்க நீங்கள் வாக்க ளிக்க வேண்டிய சின்னம் பரிசுபெட்டகம் என்பதை எடுத்துக்கூற வந்து உள்ளேன். மோடியின் தவறான பொருளாதார கொள்கையால் மூடப்பட்ட தொழிற்சாலைகளை மீண்டும் திறக்கவும் நடவடிக்கை எடுக்கப்படும். ஆகையால் நீங்கள் பரிசு பெட்டகம் சின்னத்தில் வாக்களித்து வெற்றி பெறச் செய்யுங்கள்.

    இவ்வாறு அவர் பேசினார்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    தி.மு.க. ஆட்சி அமைப்பதற்கு நாங்கள் என்றைக்கும் ஆதரவு கொடுக்க மாட்டோம் என அ.ம.மு.க. பொதுச்செயலாளர் டிடிவி தினகரன் கூறியுள்ளார்.
    நெல்லை:

    அ.ம.மு.க. பொதுச்செயலாளர் டி.டி.வி. தினகரன் பாளையங்கோட்டையில் செய்தியாளர்களிடம் கூறியதாவது:-

    பழனிசாமி-பன்னீர்செல்வத்தின் துரோக ஆட்சியை முடிவுக்கு கொண்டு வந்து மீண்டும் தமிழகத்தில் அம்மாவின் ஆட்சியை அமைப்பதற்கு என்னை வெற்றி பெறச் செய்யுங்கள் என்று ஆர்.கே.நகர் இடைத்தேர்தலின் போது மக்களிடம் கேட்டேன்.

    அதேதான் தற்போது நடைபெறுகின்ற தேர்தலுக்காக பிரச்சாரம் மேற்கொள்ளும் இடங்களிலெல்லாம் கேட்கிறேன்.

    இன்னொரு ஆட்சி அமைப்பது தி.மு.க.வின் ஆசையாக இருக்கலாம். ஆனால் அது நிறைவேறுவதற்கு வாய்ப்பே கிடையாது.

    தி.மு.க. ஆட்சி அமைப்பதற்கு நாங்கள் என்றைக்கும் ஆதரவு கொடுக்க மாட்டோம். ரகசிய கூட்டுக்கு வாய்பே இல்லை என்பதற்குதான் இதனை கூறுகிறேன்.



    பழனிசாமி ஆட்சியை முடிவுக்கு கொண்டு வர எதிர்க்கட்சிகள் முயற்சித்தால் கண்டிப்பாக அதில் நாங்களும் சேர்ந்து ஆட்சியை முடிவுக்கு கொண்டு வருவோம்.

    ஏப்.18-ந் தேதிக்கு பிறகு தமிழகம் முழுவதும் பரிசுப் பெட்டகம் சின்னம் மக்களவை பொதுத் தேர்தலிலும், 18 சட்டமன்ற இடைத்தேர்தலிலும் வெற்றி பெறப்போகிறது என்பதை உளவுத்துறை மூலம் அறிந்து கொண்டதால் என்னை தாக்கி பேச வேண்டிய அவசியம் துரோகிகளுக்கு ஏற்பட்டுள்ளதால்தான் என்னை தாக்கி தற்போது பேசுகிறார்கள்.

    வாக்குக்கு பணம் கொடுப்பதாலேயே மக்கள் வாக்களித்து விடுவார்கள் என்ற சரித்திரம் இதுவரை கிடையாது. இனிமேலும் வாக்களிக்க மாட்டார்கள்.

    எந்த மதத்தைச் சேர்ந்தவராக இருந்தாலும் தீவிரவாதம் என்பது கூடாது. அது ஓர் அழிவுச் சக்தி. அதிலெல்லாம் போய் மதத்தின் பெயரையெல்லாம் சேர்த்து யார் பேசினாலும் அது தவறு. எந்த மதத்தை சேர்ந்தவர்களையும் புண்படுத்துவதுப்போல யார் பேசினாலும் அது தவறு.

    தனிப்பட்ட ஒருவரோ, ஒரு குழுவோ தீவிரவாதிகளாக ஆவதால் அவர்கள் சார்ந்த மதத்திற்கும், தீவிரவாதத்திற்கும் என்ன சம்பந்தம். எல்லா மதங்களும் அன்பைதான் கற்பிக்கின்றன. எந்த மதமும் நீங்கள் தீவிரவாதி ஆகுங்கள், வேறு மதத்தை சேர்ந்தவர்களை அழியுங்கள் என்று சொல்வதில்லை.

    இன்னொரு மதத்தை தாழ்த்தி பேச வேண்டிய அவசியமும் கிடையாது. தேவையில்லாமல் மதத்தை சம்பந்தப்படுத்தி பேசுவதை எல்லோரும் தவிர்ப்பது நாட்டுக்கும் நல்லது. மக்களுக்கும் நல்லது.

    இவ்வாறு அவர் கூறினார்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ஜெயலலிதா ஆட்சி என்று கூறி எடப்பாடி பழனிசாமி மக்களை ஏமாற்றி வருகிறார் என சூலூரில் நடந்த பிரசார கூட்டத்தில் டிடிவி தினகரன் கூறியுள்ளார். #TNAssemblyByElection #EdappadiPalanisamy #TTVDinakaran
    சூலூர்:

    சூலூர் சட்டமன்ற தொகுதியில் அ.ம.மு.க. பொதுச்செயலாளர் டி.டி.வி.தினகரன் நேற்று 2-வது நாளாக பிரசாரம் செய்தார். அவர் கள்ளப்பாளையம், சின்னக்குயிலி, இடையர்பாளையம், அக்கநாயக்கன்பாளையம், வடவள்ளி, செஞ்சேரிமலை, ஜல்லிப்பட்டி உள்பட பல்வேறு பகுதிகளில் பேசினார். அப்போது டி.டி.வி. தினகரன் பேசியதாவது:-

    தமிழகத்தில் தற்போது நடந்து கொண்டிருக்கிற துரோக ஆட்சியை அப்புறப்படுத்த வேண்டிய கடமை வாக்காளர்களாகிய உங்களுக்கு உள்ளது. அதற்கு காரணம் ஜெயலலிதா மறைவுக்கு பிறகு இந்த ஆட்சியை தொடர்ந்து நடத்திட வேண்டி சசிகலா சிறைக்கு செல்வதற்கு முன்பு, எடப்பாடி பழனிசாமியை முதல்-அமைச்சர் ஆக்கினார். ஆனால் இந்த கட்சி எக்கேடு கெட்டு போனால் என்ன என்று சசிகலா நினைத்திருந்தால் எடப்பாடி பழனிசாமி முதல்-அமைச்சர் என்று மார்தட்டிக் கொண்டிருக்க முடியாது. எடப்பாடி பழனிசாமியை ஒரு சகோதரராக நினைத்து சசிகலா ஆட்சியை விட்டு சென்றார். ஆனால் அவர் துரோகம் செய்து விட்டார். அவர் செய்தது சரியா என்பதற்கு வாக்காளர்களாகிய நீங்கள் தான் இந்த தேர்தல் மூலம் பதில் அளிக்க வேண்டும்.

    மோடியின் ஏஜெண்டாக செயல்படும் இவர்கள் ஜெயலலிதா எந்தெந்த திட்டங்களையெல்லாம் எதிர்த்தாரோ அதையெல்லாம் ஆதரிக்கிறார்கள். நீட் தேர்வு வேண்டாம் என்று ஜெயலலிதா போராடினார். ஆனால் எடப்பாடி பழனிசாமி அதை ஆதரிக்கிறார். மோடிக்கு பயந்து கொண்டு விவசாயிகளை பாதிக்கிற திட்டங்களை கொண்டு வருகிறார்கள். வியாபாரிகளை பாதிக்கும் ஜி.எஸ்.டி.யை ஜெயலலிதா வரவிடவில்லை. ஆனால் எடப்பாடி அதை ஆதரித்தார். இது ஜெயலலிதா ஆட்சி என்று கூறி எடப்பாடி பழனிசாமி மக்களை ஏமாற்றி வருகிறார். அவர் இரட்டை இலையை காட்டி ஏமாற்றுகிறார். இதை மக்கள் புரிந்து கொண்டுள்ளனர். ஜெயலலிதாவின் உண்மையான விசுவாசிகளுக்குத் தான் வாக்களிப்போம் என்ற நிலையில் தான் மக்கள் உள்ளனர்.

    ஜெயலலிதாவின் பெயரை சொல்லி ஆட்சிக்கு வந்த எடப்பாடி பழனிசாமியின் ஆட்சியில் பெண்களுக்கு பாதுகாப்பு இல்லை. ஜெயலலிதாவின் மறைவுக்கு பிறகு அவருடைய உருவப்படத்தை சட்டமன்றத்தில் வைக்கக்கூடாது என்று கூறிய விஜயகாந்த் கட்சியுடன் இவர்கள் கூட்டணி வைத்துள்ளனர். ஜெயலலிதாவிற்கு நினைவு மண்டபம் கட்டக்கூடாது என்று நீதிமன்றம் வரை சென்ற பாட்டாளி மக்கள் கட்சியுடன் கூட்டு வைத்துள்ளனர். துரோகம் செய்தவர்கள் எப்படி மக்கள் நலனில் அக்கறை செலுத்துவார்கள்.



    எங்களை வெற்றி பெற செய்தால் சூலூர் தொகுதியில் வேளாண் உதவி மையம் அமைக்கப்படும். விசைத்தறிகளுக்கு இலவச மின்சாரம் வழங்கப்படும். பரம்பிக்குளம்-ஆழியாறு மூலம் இந்த பகுதிக்கு தண்ணீர் கிடைக்க ஏற்பாடு செய்யப்படும். 60 வயதான விசைத்தறி தொழிலாளர்கள் மற்றும் விவசாய தொழிலாளர்களுக்கு மாதந்தோறும் உதவித்தொகை வழங்க நடவடிக்கை எடுக்கப்படும்.

    எனவே தமிழகத்தில் அனைத்து தரப்பினருக்கும் பலன் அளிக்கும் வகையில் சிறப்பான மக்களாட்சியை அமைத்து தர நீங்கள் வாக்களிக்க வேண்டிய சின்னம் பரிசு பெட்டகம். உங்களது வெற்றி வேட்பாளர் சுகுமாரை அதிக வாக்குகள் வித்தியாசத்தில் வெற்றிபெறச் செய்ய வேண்டும் என்று கேட்டுக்கொள்கிறேன்.

    இவ்வாறு டி.டி.வி. தினகரன் பேசினார்.

    முன்னதாக கள்ளப்பாளையம் பகுதியை சேர்ந்த கிருஷ்ணசாமி-புவனேஸ்வரி தம்பதியின் பெண் குழந்தைக்கு அகல்யா என்று டி.டி.வி. தினகரன் பெயர் சூட்டினார். #EdappadiPalanisamy #TTVDinakaran
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    குழந்தைகள் விற்பனை விவகாரத்தில் சிறப்பு விசாரணைக்கு உத்தரவிட வேண்டும் என அமமுக பொதுச் செயலாளர் டிடிவி தினகரன் வலியுறுத்தி உள்ளார். #TTVDinakaran #RasipuramNurse
    சென்னை:

    அ.ம.மு.க. பொதுச் செயலாளர் டி.டி.வி.தினகரன் விடுத்துள்ள அறிக்கையில் கூறியிருப்பதாவது:-

    சட்டவிரோத குழந்தைகள் விற்பனை மற்றும் கடத்தல் பற்றி அடுத்தடுத்து வெளியாகிக் கொண்டிருக்கும் செய்திகள் அதிர்ச்சி அளிக்கின்றன.

    ராசிபுரத்தில் குழந்தை விற்பனையில் ஈடுபட்டதாக விருப்ப ஓய்வு பெற்ற அரசு செவிலியர் மற்றும் அவரது கணவர் உள்ளிட்ட 7 பேர் கைது செய்யப்பட்டுள்ளனர். அதுவும் குழந்தை விற்பனை தொடர்பான ஆடியோ வெளியாகி தமிழகம் முழுக்க அதிர்வலைகளை ஏற்படுத்திய பிறகே இந்த நடவடிக்கை எடுக்கப்பட்டுள்ளது.

    பிறப்பு சான்றிதழ் போன்ற ஆவணங்களை அவர்கள் போலியாக தயாரித்திருப்பதும் அம்பலமாகி இருக்கிறது.

    பிடிபட்டிருக்கும் குழந்தை விற்பனை கும்பலின் பின்னால் பெரிய சட்டவிரோத சங்கிலி பிணைப்பு இருப்பதாக வெளியாகும் தகவல் பொதுமக்களிடையே அச்சத்தையும், கவலையையும் ஏற்படுத்தி இருக்கிறது. இதில் உண்மை நிலையை மக்களுக்கு தெரியப்படுத்துவதும், முறையான விசாரணை நடத்தி குற்றவாளிகளுக்கு தண்டனை பெற்றுத் தருவதும் மிகவும் முக்கியம்.

    சென்னை உயர்நீதிமன்றம் நேரடியாக இவ்விவகாரத்தில் தலையிட்டு குழந்தை விற்பனை மற்றும் கடத்தல் புகார்கள் பற்றி முழுமையான விசாரணை நடத்த சிறப்புக்குழு அமைக்க வேண்டும். அந்த விசாரணையை உயர்நீதிமன்றமே கண்காணிக்க வேண்டும்.

    சென்னையில் வீடுகள் இன்றி சாலை ஓரங்களில் படுத்திருக்கும் குழந்தைகள் தொடர்ந்து கடத்தப்பட்டது குறித்த வழக்கில் பழனிசாமி அரசின் செயல்பாடுகளை கடந்த ஆண்டு ஆகஸ்டு மாதம் உயர்நீதிமன்றம் கடுமையாக விமர்சித்து இருந்ததை நினைவுப்படுத்த விரும்புகிறேன்.



    நாட்டின் எதிர்காலம் குழந்தைகள். அவர்கள் கடத்தப்படுவதை தடுக்க தமிழக அரசு தவறி விட்டது. நீதிபதிகள் மற்றும் காவல் துறையினரின் குழந்தைகள் பாதுகாப்பாக இருந்தால் மட்டும் போதாது. இந்தியாவின் கடைசி குடிமகனின் குழந்தையும் பாதுகாப்பாக இருப்பதை தமிழக அரசு உறுதி செய்ய வேண்டும் என்றும் நீதிபதிகள் கண்டனம் தெரிவித்திருந்தனர்.

    இவற்றை எல்லாம் கருத்தில் கொண்டு, தமிழகத்தில் குழந்தை கடத்தலை முற்றிலுமாக தடுப்பதற்கான நடவடிக்கைகளை உயர்நீதிமன்றம் மேற்கொள்ள வேண்டும் என்று கேட்டுக் கொள்கிறேன்.

    அப்போதுதான் குழந்தை கடத்தல் தடுப்பு சட்டத்தில் உள்ள ஓட்டைகளை பயன்படுத்தி செயல்படும் சமூக விரோத வலைப்பின்னலை அறுத்தெறிந்து அப்பாவி பெற்றோரின் குழந்தைகளைக் காப்பாற்ற முடியும். அவர்களும் இந்த சமூகத்தில் நிம்மதியாக வாழ்வதற்கான வாய்ப்பை உருவாக்கித் தரமுடியும்.

    இவ்வாறு அதில் கூறப்பட்டுள்ளது. #TTVDinakaran #RasipuramNurse
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    சசிகலாவின் ஒப்புதலோடு தான் புதிய கட்சி பதிவு செய்யப்பட்டதாகவும் அவரை ஓரங்கட்டவில்லை எனவும் டிடிவி தினகரன் கூறியுள்ளார். #TTVDinakaran

    சென்னை:

    அம்மா மக்கள் முன்னேற்ற கழக பொதுச்செயலாளர் டிடிவி தினகரன் சிறையில் சசிகலாவை சந்தித்த பின் பெங்களூரில் நிருபர்களுக்கு பேட்டி அளித்தார். அவர் கூறியதாவது:-

    பொதுச்செயலாளராக தேர்ந்தெடுக்கப்பட்டதற்கு சசிகலா எனக்கு வாழ்த்து சொன்னார். நன்றாக செயல்பட சொன்னார். ஊடகங்களில் பல வி‌ஷயங்களை கிளப்பி விடுவதை போன்று ஒன்றும் இல்லை என்று உங்களிடம் (செய்தியாளர்களிடம்) தெரியப்படுத்த சொன்னார்.

    ஏற்கனவே தேர்தல் பிரசாரத்தில் நான் இருந்ததால் இங்கு வந்து சசிகலாவை சந்திக்க முடியாத காரணத்தினால் கட்சி, சின்னம் தொடர்பாக ஏற்கனவே எங்களது வழக்கறிஞர் சசிகலாவிடம் கலந்து பேசினார். சசிகலாவின் ஒப்புதலோடு தான் அனைத்தும் நடைபெற்று வருகிறது.

    சசிகலா பேச முடியாத நிலைமையில் இருப்பதை பயன்படுத்திக் கொண்டு சில வி‌ஷமிகள் புகழேந்தியை வைத்து சில டாட்காமில் தவறான தகவல்களை கொடுத்திருக்கிறார்கள். அதெல்லாம் உண்மை இல்லை.

    சாதிக்அலி தீர்ப்புபடி எண்ணிக்கை அடிப்படையில் இரட்டை இலை சின்னத்தை பழனிசாமி-பன்னீர்செல்வம் கம்பெனிக்கு தேர்தல் ஆணையம் வழங்கியது. ஆனால் அதனை ஏற்காத ஆர்.கே.நகர் மக்கள் பழனிசாமி-பன்னீர்செல்வம் கம்பெனிக்கு தோல்வியை தந்தார்கள். அதேபால் தற்போது மக்கள் தீர்ப்பு வந்தவுடன் மீதமிருக்கிற உண்மையான தொண்டர்களும் எங்கள் பக்கம் வந்து விடுவார்கள்.

    மக்களே இறுதி எஜமானர்கள். ஜனநாயக முறைப்படி போராடுவோம். அதே நேரத்தில் சசிகலா இரட்டை இலை தொடர்பாக சீராய்வு மனுவை சுப்ரீம்கோர்ட்டில் தாக்கல் செய்து சட்டப்படி போராடுவார். இரட்டை இலை சின்னம் தொடர்பாக தான் சுப்ரீம்கோர்ட்டில் சீராய்வு மனுதாக்கல் செய்யப்படும். அதே நேரத்தில் கட்சி தொடர்பான வழக்கு சென்னை ஐகோர்ட்டில் நிலுவையில் இருக்கிறது. அதனையும் அவர் நடத்துவார்.

    ஓ.பி.எஸ்.-இ.பி.எஸ். கம்பெனியால் அ.தி.மு.க. பொதுச்செயலாளராக சசிகலா நியமிக்கப்பட்டார். அது தொடர்பான வழக்கையும் அவர் தொடர்ந்து நடத்துவார். எங்கள் கட்சியில் சசிகலாவுக்காக தலைவர் பதவியை காலியாக வைத்துள்ளோம். துணைத் தலைவரும் தற்போது வந்திருக்கிறார்.

    எங்கள் கட்சியில் தலைவர், பொதுச்செயலாளர், துணைத்தலைவர் ஆகிய பதவிகள் தேர்ந்தெடுக்கப்படக் கூடிய பதவிகள். பொதுச்செயலாளர், துணைத்தலைவர் பதவிக்கு தேர்ந்தெடுக்கப்பட்டுள்ளது. தலைவர் பதவியை சசிகலாவுக்காக காலியாக வைத்திருக்கிறோம். அவர் வெளியில் வந்தபிறகு அது தொடர்பாக முடிவு செய்வார்.

    அ.தி.மு.க. பொதுச்செயலாளராக சசிகலா ஏற்கனவே இருக்கிறார். அதனால் சசிகலாவை ஓரங்கட்டுவது, ஒதுக்குவது என்று சொல்வது மிகவும் தவறானது. அதேபோல் தொலைக்காட்சிகளின் விவாதங்களில் இரட்டை இலை சின்னத்தை மீட்போம் என்று கூறி அ.தி.மு.க. தொண்டர்களை அழைத்து வந்து தினகரன் ஏமாற்றிவிட்டார் என்று சொல்வதும் தவறானது. ஏனெனில் எதனால் இதுபோன்று நடைபெறுகிறது என்பது எங்கள் தொண்டர்களுக்கு நன்றாக தெரியும்.

    சுப்ரீம்கோர்ட்டில் எங்கள் சார்பாக தாக்கல் செய்யப்பட்ட மனு தள்ளுபடி செய்யப்பட்ட பிறகு சீராய்வு மனுதாக்கல் செய்து நேரத்தை வீணடிக்க வேண்டாம் என்று அம்மா மக்கள் முன்னேற்ற கழகத்தை தொடங்கும் பணியில் நாங்கள் இறங்கி விட்டோம். சசிகலா சீராய்வு பணியை மேற்கொள்வார். அதுபோல அ.தி.மு.க. கட்சி தொடர்பான வழக்குகளையும் தொடர்ந்து நடத்துவார். சசிகலா நன்றாக இருக்கிறார்.

    பொன்பரப்பி போன்ற இடங்களில் மறுவாக்குப் பதிவு நடத்த வேண்டும். சமுதாய அடிப்படையிலான சண்டைகள் இல்லாமல் இருப்பதுதான் நாட்டிற்கு நல்லது. அதனால்தான் சாதி, மதத்திற்கு அப்பாற்பட்டு அரசியல் இயக்கங்கள் இருக்க வேண்டும் என்று திரும்ப திரும்ப கூறிக் கொண்டிருக்கிறேன்.

    நடந்து முடிந்த தேர்தலில் பரிசுப் பெட்டகம் மாபெரும் வெற்றி பெறும். அதே போல் மே 19-ந்தேதி நடைபெறவிருக்கும் 4 சட்டமன்ற தொகுதி இடைத்தேர்தலிலும் நாங்கள் வெற்றி பெறுவோம். மே 1-ந்தேதியிலிருந்து 15-ந் தேதி வரை பிரசாரம் மேற் கொள்கிறேன்.

    இவ்வாறுஅவர் கூறினார். #TTVDinakaran

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    சசிகலா சிறையிலேயே இருக்க வேண்டும் என்பதுதான் தினகரனின் எண்ணம் என அமைச்சர் கே.டி.ராஜேந்திரபாலாஜி தெரிவித்துள்ளார். #MinisterKTRajendraBalaji
    விருதுநகர்:

    விருதுநகர் நகர்ப்பகுதியில் தேர்தல் பிரசாரத்தின் போது, அமைச்சர் கே.டி.ராஜேந்திரபாலாஜி, நிருபர்களிடம் கூறியதாவது:-

    யார் பக்கம் தொண்டர்கள் உள்ளார்கள். யார் பக்கம் குண்டர்கள் உள்ளார்கள் என்பது வாக்கு எண்ணிக்கை நடைபெற உள்ள மே 23-ந் தேதி தெரியும்.

    சசிகலாவால் துணைப் பொதுச்செயலாளரான டி.டி.வி.தினகரன், தேர்தல் பிரசாரத்தில் சசிகலா பெயரையே பயன்படுத்த வில்லை. சிறையில் உள்ள சசிகலாவை வெளியே கொண்டுவர தினகரன் எந்த நடவடிக்கையும் எடுக்காமல், சுயநலத்தோடு செயல்பட்டுவருகிறார். கட்சியினரை ஏமாற்றி அரசியல் நடத்தி வருகிறார்.



    சசிகலா சிறைக்குள்ளேயே இருக்க வேண்டும் என்பதுதான் தினகரனின் எண்ணம். எந்த கட்சியாக இருந்தாலும், தான் தலைவனாக இருக்க வேண்டும் என்ற எண்ணம் கொண்டவர் தினகரன்.

    நீட் தேர்வை கொண்டு வந்தது தி.மு.க., காங்கிரஸ் தான். உச்ச நீதிமன்றத்தில் நீட் தேர்வு வேண்டும் என்று வாதாடியது நளினி சிதம்பரம் தான். அ.தி.மு.க. அரசுக்கும், முதல்வருக்கும் தான் நீட் தேர்வை ரத்து செய்வோம் என்று கூறுவதற்கு அருகதை இருக்கிறது.

    மத்தியில் ஆட்சியில் நாங்கள் பங்கு பெற உள்ளோம். அப்போது இதற்கு உரிய அழுத்தம் கொடுக்கப்படும்.

    தேர்தல் முடிவு வந்தவுடன் எடப்பாடி பழனிசாமி ராஜாவாக இருப்பார். ஸ்டாலின் கூஜாவாக இருப்பார். தேர்தல் கமி‌ஷனுக்கும் அ.தி.மு.க. ஆட்சிக்கும், மோடி ஆட்சிக்கும் எந்த சம்பந்தமும் இல்லை அது ஒரு தன்னிச்சையான அமைப்பு.

    தங்க தமிழ்ச்செல்வனுக்கு தோல்வி பயம் வந்துவிட்டது. மொத்தத்தில் தினகரன் கட்சியினருக்கு தோல்வி பயம் வந்துவிட்டது. கடைசியில் தினகரன் பணநாயகம் வென்றது என்று கூறிவிட்டு செல்வார்.

    இறுதியில் ஒருவர் டெபாசிட் இழப்பார். ஒருவர் டெபாசிட் வாங்குவார். ஆனால் வெற்றி பெறுவது அ.தி.மு.க. கூட்டணி தான். முதல்வர் துணை முதல்வர் பிரசாரத்தில் இருப்பதால் சென்னை சென்றவுடன் 4 தொகுதி வேட்பாளர் அறிவிக்கப்படுவார்கள்.

    40 தொகுதிகளிலும் அ.தி.மு.க. கூட்டணி வெற்றி பெறும். 22 சட்டமன்றத் தொகுதியிலும் அ.தி.மு.க. வெற்றி பெறும். மக்கள் அலை அரசுக்கு எதிராக இல்லை. இந்த அரசு மீது மக்களுக்கு எந்த கோபமும் இல்லை.

    இவ்வாறு அவர் கூறினார். #MinisterKTRajendraBalaji
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    கருணாநிதி மறைவுக்கு பிறகு தி.மு.க.வின் வாக்கு வங்கி குறைந்துவிட்டதாக கடலூரில் நடந்த தேர்தல் பொதுகூட்டத்தில் டிடிவி தினகரன் கூறியுள்ளார். #TTVDinakaran
    கடலூர்:

    கடலூர் பாராளுமன்ற தொகுதியில் போட்டியிடும் அ.ம.மு.க. வேட்பாளரை ஆதரித்து கடலூர் உழவர் சந்தையில் அம்மா மக்கள் முன்னேற்றகழக துணை பொதுச்செயலாளர் டி.டி.வி. தினகரன் பிரசாரம் செய்தார்.

    பாரதிய ஜனதாவுடன் ஒட்டும் இல்லை, உறவும் இல்லை என கூறியவர் ஜெயலலிதா. அவருக்கு நினைவு மண்டபம் கட்டுவதற்கு தடை விதிக்கக் கோரி நீதிமன்றம் சென்றதோடு ஜெயலலிதா உயிரோடு இருந்தால் சிறைக்கு சென்றிருப்பார். என்று கூறியவர்கள் பா.ம.க. வினர். அவர்களுடன் தமிழகத்தை ஆளுவோர் கூட்டணி வைத்துள்ளனர்.

    ஜெயலலிதா இருக்கும் வரை ஜி.எஸ்.டி. வரியை தடுத்து வந்தார்.

    மதச்சார்பற்ற கூட்டணி எனக் கூறும் தி.மு.க. இந்து மதத்தை விமர்சித்து வருகிறது. தற்போது முஸ்லீம்கள், கிறிஸ்தவர்கள் தி.மு.க.வை. கைவிட்ட நிலையில், இந்துக்களுக்கு நாங்கள் விரோதியல்ல, எங்கள் வீட்டு பெண்களும் கோவிலுக்கு செல்வார்கள் என்று கூறி வருகிறார் மு.க.ஸ்டாலின்.

    எந்த மதத்தினரும் யாரையும் தரம் தாழ்த்துவது இல்லை. ஆனால் தாங்கள்தான் இந்து மதத்தை கண்டுபிடித்தவர்கள் போல பாரதிய ஜனதா கட்சியினர் கூறிக்கொள்கின்றனர். இந்துக்களுக்கு பாதுகாவலர்கள் என்று கூறுகின்றனர்.

    தி.மு.க. இந்து எதிர்ப்பு நிலையை எடுத்துள்ளது. அரசியல்வாதிகள் ஜாதி மதத்துக்கு அப்பாற்பட்டவர்களாக இருக்க வேண்டும்.

    நீட் தேர்வு, குடிநீர், மீனவர் பிரச்சினை, என்.எல்சி. நிலம் கையகப்படுத்தும் பிரச்சினை, விவசாயவிளை பொருள்களுக்கு விலை கிடைக்காதது உள்ளிட்ட பல்வேறு பிரச்சினைகள் உள்ளன.

    இதுகுறித்து அரசியல்வாதிகள் பேச வேண்டும். தற்போது தமிழகத்தை மட்டுமன்றி இந்தியாவையும் மீட்க வேண்டிய நிலைஉள்ளது. தமிழகத்தில் படித்த இளைஞர்கள் ஒரு கோடிபேர் வேலைக்காகக் காத்திருக்கிறார்கள்.

    மத்தியில் முந்தைய காங்கிரஸ் மற்றும் பா.ஜ.க. கூட்டணி அமைச்சரவையில் அங்கம் வகித்த தி.மு.க. தமிழகத்துக்கு எதுவும் செய்யவில்லை. ஆர்.கே. நகர் தொகுதி இடைத்தேர்தலில் வைப்பு தொகையை தி.மு.க. இழந்தது.

    கருணாநிதி மறைவுக்கு பிறகு தி.மு.க.வின் வாக்கு வங்கி குறைந்துவிட்டது என்பது உண்மை. அதை மறைப்பதற்காகத்தான் பல கட்சிகளை கூட்டணி வைத்துக்கொண்டு அவர்கள் தான் வெற்றிபெறுவார்கள் என்பது போன்ற மாய தோற்றத்தை உருவாக்கிறார்கள்.

    ஆனால் உண்மை நிலவரம் உங்களுக்கு தெரியும். தமிழ்நாட்டில் 80 சதவீதம் இளைஞர்கள் அம்மா மக்கள் முன்னேற்ற கழகத்துக்கு ஆதரவாக இருக்கிறார்கள். தாய்மார்களும், பெரியோர்களும் இன்று புதிய மாற்றம் தேவை என்று நினைக்கிறார்கள். அவர்களும் எங்களை ஆதரிக்கிறார்கள்.

    எனவே பொதுமக்கள் ஜாதி, மதம், குறித்துப் பேசு வோரைப் புறக்கணித்து அ.ம.மு.க.வை ஆதரிக்க வேண்டும். மாநில கட்சிகளால் மட்டுமே மாநில பிரச்சினைகளை தீர்க்க முடியும். தேசியக் கட்சிகளை மக்கள் நம்பக் கூடாது. பணம் கொடுத்து மக்களை வாங்கிவிடலாம் என்று நினைப்பவர்களை புறக்கணிக்க வேண்டும்.

    இவ்வாறு அவர் பேசினார். #TTVDinakaran