சேலம்:
சேலம் சித்தனூர் அருகே உள்ள தளவாய்ப்பட்டி கோல்காரன் வட்டம் பகுதியை சேர்ந்தவர் கண்மணி. இவர் கூலி வேலை செய்து வருகிறார். இவருடைய மகள் சவுமியா (வயது 16). இவர் 8-ம் வகுப்பு படித்து விட்டு கடந்த 2 ஆண்டுகளாக வீட்டில் இருந்துள்ளார்.
இந்த நிலையில் நேற்று சவுமியா வீட்டில் துப்பட்டாவால் தூக்குப்போட்டு தற்கொலை செய்து கொண்டார். இந்த சம்பவம் குறித்து இரும்பாலை போலீசார் வழக்குப்பதிவு செய்து சிறுமியின் தற்கொலைக்கான காரணம் குறித்து விசாரணை நடத்தி வருகிறார்கள்.
