என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
தேமுதிக பொதுச்செயலாளர் விஜயகாந்த் வாக்கு சேகரிப்பு
Byமாலை மலர்25 March 2021 3:40 PM GMT (Updated: 25 March 2021 3:40 PM GMT)
தே.மு.தி.க. பொதுச்செயலாளர் விஜயகாந்த் சென்னை சேத்துப்பட்டில் வேட்பாளர் பிரபுவை ஆதரித்து வாக்கு சேகரிப்பில் ஈடுபட்டார்.
சென்னை:
தமிழக சட்டசபைக்கான தேர்தல் வருகிற ஏப்ரல் 6ந்தேதி நடைபெறுகிறது. ஒரே கட்டத்தில் நடத்தி முடிக்கப்படும் இந்த தேர்தலுக்கான வாக்கு எண்ணிக்கை மே 2ந்தேதி நடைபெற்று முடிவுகள் அறிவிக்கப்படும்.
தேர்தல் தேதி நெருங்கி வருவதால் பிரசார பணிகளை அரசியல் கட்சிகள் தீவிரப்படுத்தியுள்ளன. இந்த தேர்தலில், டி.டி.வி.தினகரன் தலைமையிலான அ.ம.மு.க. போட்டியிடுகிறது. அ.ம.மு.க. தலைமையிலான கூட்டணியில் எஸ்.டி.பி.ஐ கட்சிக்கு 6 தொகுதிகளும், ஓவைசி கட்சிக்கு 3 தொகுதிகளும், கோகுல மக்கள் கட்சி மற்றும் மருதுசேனை சங்கம், விடுதலை தமிழ்ப்புலிகள், மக்களரசு கட்சி ஆகியவற்றுக்கு தலா 1 தொகுதியும் ஒதுக்கப்பட்டுள்ளன.
தொகுதி உடன்பாடு விவகாரத்தில், அ.தி.மு.க. கூட்டணியில் இருந்து தே.மு.தி.க. விலகியது. இதன்பின்னர், தே.மு.தி.க.-அ.ம.மு.க. இடையே கூட்டணி பேச்சுவார்த்தை நடந்தது. இதில், சுமுக உடன்பாடு எட்டப்பட்டு கூட்டணி ஒப்பந்தம் கையெழுத்தானது. தே.மு.தி.க.வுக்கு கூட்டணியில் 60 தொகுதிகள் ஒதுக்கீடு செய்யப்பட்டு உள்ளது.
தேர்தல் நெருங்கி வரும் சூழலில் பல்வேறு அரசியல் கட்சிகளும் தங்களுடைய வேட்பாளர்களுக்காக தீவிர பிரசார பணிகளில் ஈடுபட்டு வருகின்றன. இதேபோன்று, தே.மு.தி.க. பொதுச்செயலாளர் விஜயகாந்த் சென்னை சேத்துப்பட்டில் வாக்கு சேகரிப்பில் இன்று ஈடுபட்டார். அவர், எழும்பூர் தொகுதி தே.மு.தி.க. வேட்பாளர் பிரபுவை ஆதரித்து வேனில் சென்றபடி வாக்கு சேகரிக்கும் பணியில் ஈடுபட்டார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X