அம்பத்தூர் ஒரகடம் அய்யா வைகுண்ட திருப்பதி கோவில் திருவிழா

அம்பத்தூர் ஒரகடத்தில் உள்ள அய்யா வைகுண்ட திருப்பதி கோவிலில் திருஏடு வாசிப்பு திருவிழா நேற்று கொடியேற்றத்துடன் தொடங்கியது.

விழா நடக்கும் 10 நாட்களும் காலையில் 6 மணிக்கு உகப்படிப்பு, மதியம் 12 மணிக்கு உச்சிப்படிப்புடன் பணிவிடை, மாலை 5.15 மணிக்கு அகிலத்திரட்டு அம்மானை திருஏடு வாசிப்பு மற்றும் அதன் விளக்க உரை, இரவு 8 மணிக்கு வாகன பவனி வருதல், அதைத்தொடர்ந்து பக்தர்களுக்கு அன்னதானம் வழங்குதல் ஆகிய நிகழ்ச்சிகள் நடக்கிறது.

இறுதி நாளான 19-ந்தேதி நடக்கும் விழாவில், மாலை 5.30 மணிக்கு அய்யா இந்திர விமான வாகனத்தில் நகர்வலம் வருதல், இரவு 10 மணிக்கு பட்டாபிஷேக திருஏடு வாசிப்பு, அதிகாலை 3.30 மணிக்கு திருக்கொடி இறக்குதல் ஆகிய நிகழ்ச்சிகள் நடைபெறுகிறது.