காரைக்கால் நிரவியில் கார்கோடகபுரீஸ்வரர் கோவில் கும்பாபிஷேகம்

காரைக்காலை அடுத்த நிரவி காக்கமொழி கிராமத்தில் மிகவும் பழமைவாய்ந்த கற்பகாம்பாள் சமேத கார்கோடகபுரீஸ்வரர் கோவில் உள்ளது. இந்த கோவில் கும்பாபிஷேக விழா கடந்த 2-ந் தேதி முதல் கால யாக பூஜையுடன் தொடங்கியது.

நேற்று முன்தினம் காலை 4-ம் கால யாக பூஜைகளை தொடர்ந்து மங்கள வாத்தியங்கள் முழங்க, கடம் புறப்பாடு நடைபெற்றது. பின்னர் காலை 8.50 மணிக்கு கோவில் கலசங்களுக்கு புனிதநீர் ஊற்றி கும்பாபிஷேகம் நடந்தது.

விழாவில் புதுச்சேரி முதல்- அமைச்சர் நாராயணசாமி, வேளாண்துறை அமைச்சர் கமலக்கண்ணன், மாவட்ட துணை கலெக்டர் ஆதர்ஷ் மற்றும் பக்தர்கள் ஏராளமானோர் கலந்துகொண்டனர்.