முதல் நாள் உணவு இடைவேளை வரை ஆஸ்திரேலியா 4 விக்கெட்டுகளை இழந்து திணறல்

ஹெட்டிங்லே:

ஆஷஸ் டெஸ்ட் தொடரின் 3-வது டெஸ்ட் போட்டி லீட்சில் உள்ள ஹெட்டிங்லேயில் இன்று தொடங்கியது. அதில் டாஸ் வென்ற இங்கிலாந்து அணி பந்துவீச்சை தேர்வு செய்துள்ளது.

அதன்படி ஆஸ்திரேலியா அணியின் தொடக்க வீரர்களாக டேவிட் வார்னர்- கவாஜா களமிறங்கினர். முதல் பந்தையே பவுண்டரிக்கு விரட்டிய வார்னர் 5-வது பந்தில் கேட்ச் கொடுத்து ஆட்டமிழந்தார். அடுத்து வந்த லபுசென் கவாஜாவுடன் ஜோடி சேர்ந்து நிதானமாக விளையாடினர்.

கவாஜா 13 ரன்னில் அவுட் ஆனார். அவர் அவுட் ஆன சிறிது நேரத்திலேயே லபுசென் 21 ரன்னிலும் அடுத்து வந்த ஸ்மித் 22 ரன்னிலும் ஆட்டமிழந்தனர்.

இதனால் முதல் நாள் உணவு இடைவேளை வரை ஆஸ்திரேலிய அணி 4 விக்கெட்டுகளை இழந்து விளையாடி வருகிறது. ஹெட் 10 ரன்னிலும் மிட்செல் மார்ஷ் 5 ரன்னிலும் ஆடி வருகின்றனர். இங்கிலாந்து தரப்பில் பிராட் 2 விக்கெட்டுகளை வீழ்த்தினார்.