செய்திகள்
கேரளாவில் இன்று புதிதாக மேலும் 15,768 பேருக்கு கொரோனா தொற்று
கேரளாவில் கொரோனா தொற்றுக்கு இன்று ஒரே நாளில் 214 பேர் உயிரிழந்துள்ள நிலையில் 1,61,195 பேர் சிகிச்சை பெற்று வருகிறார்கள்.
இந்திய அளவில் கொரோனா வைரஸ் தொற்றால் பாதிக்கப்பட்டவர்களின் எண்ணிக்கை குறைந்தாலும், கேரளாவில் தினசரி பாதிப்பு இன்னும் 15 ஆயிரத்தை தாண்டிய நிலையிலேயே உள்ளது. இன்று கேரளாவில் புதிதாக மேலும் 15,768 பேர் கொரோனா தொற்றால் பாதிக்கப்பட்டுள்ளனர். 21,367 பேர் டிஸ்சார்ஜ் செய்யப்பட்டுள்ள நிலையில் 214 பேர் உயிரிழந்துள்ளனர்.
தற்போது 1,61,195 பேர் கொரோனாவுக்கு சிகிச்சை பெற்று வருகிறார்கள். இதுவரை 43,54,264 பேர் குணமடைந்துள்ள நிலையில் 23,897 பேர் உயிரிழந்துள்ளனர். கடந்த 24 மணி நேரத்தில் 1,05,513 மாதிரிகள் பரிசோதனை செய்யப்பட்டுள்ளது.