செய்திகள்
இந்தியாவில் கடந்த 24 மணி நேரத்தில் 24,850 பேருக்கு கொரோனா: மொத்த எண்ணிக்கை 6,73,165
இந்தியாவில் கடந்த 24 மணி நேரத்தில் புதிதாக 24,850 பேர் கொரோனா தொற்றால் பாதிக்கப்பட்டுள்ள நிலையில், மொத்த எண்ணிக்கை 6,73,165 ஆக உயர்ந்துள்ளது.
இந்தியாவில் கடந்த சில நாட்களாக கொரோனாவால் பாதிக்கப்பட்டவர்கள் எண்ணிக்கை அதிகரித்த வண்ணம் உள்ளது. கடந்த 24 மணி நேரத்தில் இதுவரை இல்லாத அளவிற்கு 24,850 பேர் கொரோனா தொற்றால் பாதிக்கப்பட்டுள்ளனர். இதனால் மொத்த எண்ணிக்கை 6,73,165 ஆக உயர்ந்துள்ளது.
3-வது இடத்தில் இருக்கும் ரஷியாவை இந்தியா நெருங்குகிறது. ரஷியாவில் 6,74,515 பேர் கொரோனாவால் பாதிக்கப்பட்டுள்ளனர். பிரேசில் 15,78,376 எண்ணிக்கையுடன் 2-வது இடத்தில் உள்ளது. 29,35,770 எண்ணிக்கையுடன் அமெரிக்கா முதல் இடத்தில் உள்ளது.
613 பேர் உயிரிழந்துள்ளனர். இதனால் பலியானோர் மொத்த எண்ணிக்கை 19,268 ஆக உயர்ந்துள்ளது. 2,44,814 பேர் சிகிச்சை பெற்று வரும் நிலையில், 4,09,083 பேர் குணமடைந்துள்ளனர்.