மகாராஷ்டிரா: பாஜகாவில் இணைந்தார் தேசியவாத காங்கிரஸ் கட்சியின் முன்னாள் மந்திரி

மும்பை:

தேசியவாத காங்கிரஸ் கட்சியின் மூத்த தலைவர் கணேஷ் நாயக். இவர் அக்கட்சியில் 1999-ம் ஆண்டு முதல் அங்கம் வகித்துவந்தார். மேலும் மகாராஷ்டிர மாநில அமைச்சரவையில் தொழிலாளர், சுற்றுச்சூழல் துறை மந்தியாகவும் பதவி வகித்துள்ளார்.

இந்நிலையில், கணேஷ் நாயக் இன்று பாஜகவில் தன்னை இணைத்துக்கொண்டார். நவி மும்பையில் நடைபெற்ற நிகழ்ச்சியின் போது மாநில முதல்மந்திரி தேவேந்திரபட்னாவிஸ் தலைமையில் அவர் பாஜகவில் இணைந்தார்.

தேசியவாத காங்கிரஸ் கட்சியின் மூத்த தலைவர் ஒருவர் பாஜகவில் இணைந்த விவகாரம் அக்கட்சி தலைவர் சரத் பவாருக்கு மிகப்பெரிய பின்னடைவாக கருதப்படுகிறது.