பாராளுமன்ற தேர்தல் முன்னேற்பாடு - அமித் ஷா நாளை கேரளா பயணம்

திருவனந்தபுரம்:

பாராளுமன்ற தேர்தல் அடுத்த ஆண்டு நடைபெற உள்ள நிலையில் தேர்தலை எதிர்கொள்ள பாரதிய ஜனாதா கட்சியை தயார் செய்யும் விதமாக அக்கட்சியின் தேசிய தலைவர் அமித் ஷா ஒவ்வொரு மாநிலங்களாக சுற்றுப்பயணம் மேற்கொண்டு கட்சி நிர்வாகிகளுடன் தீவிர ஆலோசனை நடத்தி வருகிறார்.

இந்நிலையில், தேர்தல் முன்னேற்பாடுகள் தொடர்பாக கேரள மாநிலத்திற்கு அமித் ஷா நாளை பயணம் செய்ய உள்ளதாக தகவல் வெளியாகி உள்ளது. நாளை காலை கேரளா சென்றடையும் அவர், மாநிலத்தின் முக்கிய நிர்வாகிகளிடம் ஆலோசனை நடத்த உள்ளார்.

மேலும், சமீபகாலமாக அம்மாநிலத்தில் முக்கிய கூட்டணி கட்சியான ஸ்ரீ நாராயண தர்ம பரிபால யோகம் கட்சியுடன் பா.ஜ.க.விற்கு உரசல்கள் அதிகரித்துள்ளது. இவற்றை சரிசெய்து கூட்டணியை வலுப்படுத்தும் முயற்சிகளில் அவர் ஈடுபடுவார் என எதிர்ப்பார்க்கப்படுகிறது.

இதைத்தொடர்ந்து, லட்சத்தீவு பா.ஜ.க நிர்வாகிகளையும் இந்த பயணத்தின் போது அவர் சந்தித்தித்து பேச உள்ளார் என்பது குறிப்பிடத்தக்கது.