கொடைக்கானலை ஆக்கிரமித்த டெண்ட் சுற்றுலா பயணிகள்

கொடைக்கானல்:

மலைகளின் இளவரசி யான கொடைக்கானலுக்கு தமிழகம் மட்டுமின்றி வெளி மாநிலங்கள், வெளி நாடுகளில் இருந்து ஏராளமான சுற்றுலா பயணிகள் வருகின்றனர். நகர் பகுதியில் அதிகரித்து வரும் போக்குவரத்து நெரிசலால் தனிமையை நாடும் சுற்றுலா பயணிகள் மலை கிராமங்களுக்கு படையெடுக்கத் தொடங்கி உள்ளனர்.

மேல்மலை கிராமங்களில் உள்ள வயல்வெளிகளில் அனுமதியின்றி டெண்ட் கூடாரங்கள் அமைக்கப் பட்டது. வன விலங்குகள் அச்சுறுத்தல் மற்றும் டெண்ட் கும்பல் பயன்படுத்தும் தீ வனப்பகுதிக்கு பரவும் அபாயம் இருப்பதால் இதனை அகற்ற உத்தரவிடப்பட்டது.

அதன்படி 300க்கும் மேற்பட்ட டெண்ட் கூடாரங்களை அதிகாரிகள் அப்புறப்படுத்தினர். இதனைத் தொடர்ந்து சில காலம் அமைதியாக இருந்த கும்பல் தற்போது மீண்டும் உலாவரத் தொடங்கி உள்ளது. பூம்பாறை, மன்னவனூர் உள்ளிட்ட பகுதிகளில் எந்தவித பாதுகாப்பும் இன்றி நள்ளிரவு நேரங்களில் டெண்ட் அமைத்து பயணிகள் தங்க வைக்கப்படுகின்றனர்.