குமரி மாவட்டத்தில் 4 வழிச்சாலை பணிகளை விரைந்து முடிக்க வேண்டும்: சுரேஷ்ராஜன் எம்.எல்.ஏ. அறிக்கை

நாகர்கோவில்:

குமரி மாவட்ட தி.மு.க. செயலாளர் சுரேஷ்ராஜன் எம்.எல்.ஏ. வெளியிட்டுள்ள அறிக்கையில் கூறி இருப்பதாவது:-

குமரி மாவட்டத்தில் கடந்த சில மாதங்களாக விபத்துக்கள் அதிகரித்து வருகிறது. 6 மாதத்தில் மட்டும் 70 பேர் தேசிய நெடுஞ்சாலையில் விபத்தில் பலியாகி உள்ளனர்.

கடந்த 24-ந் தேதி தக்கலை அருகே புலியூர்குறிச்சியில் நடந்த விபத்தில் 4 கல்லூரி மாணவிகள் உயிர் இழந்தனர். திருவனந்தபுரம்-கன்னியாகுமரி 4 வழிச்சாலை திட்டம் 5 ஆண்டுகளுக்கு முன்பு திட்டமிட்டும் அந்த பணிகள் ஆமை வேகத்தில்தான் நடக்கிறது.

எனவே இந்த பணிகளை ஒரு வருடத்திற்குள் முடித்து விபத்துக்களை குறைக்க மத்திய மாநில அரசுகள் நடவடிக்கை எடுக்க வேண்டும்.

இவ்வாறு அவர் கூறி உள்ளார்.