இந்தவார ராசிபலன்

19.2.2024 முதல் 25.2.2024 வரை

புதிய அனுபவங்களால் மகிழ்ச்சி உண்டாகும் வாரம். முயற்சி ஸ்தானத்தில் சூரியன், புதன், சனி மூன்று கிரகச் சேர்க்கை. பாக்கியாதிபதி சூரியன் 7,10-ம் அதிபதி புதனுடன் சேருவது புத ஆதித்ய .யோகம், தர்மகர்மாதிபதி யோகம். தனுசு ராசியினருக்கு இது மேன்மையான, அபரிமிதமான பலன்களை வழங்கும் யோகம் என்றால் அது மிகைப்படுத்தலாகாது. எண்ணித் துணிக கருமம் துணிந்தபின் எண்ணுவம் என்பது இழுக்கு என்பது வள்ளுவர் வாக்கு.பாக்கிய ஸ்தானமும் சகாய ஸ்தானமும் பலம் பெறும் இந்த காலத்தில் நெடுங்கால திட்டங்களை துணிந்து செயல்படுத்தலாம்.புதிய கூட்டுத் தொழில் துவங்க உகந்த காலம். ஏற்கனவே கூட்டுத்தொழிலில் இருப்பவர்களுக்கு சகாயமான திருப்பு முனையான சம்பவங்கள் நடக்கும்.

பிள்ளைகளுக்கு படிப்பில் ஆர்வம் அதிகரிக்கும். பெண்களுக்கு தாய் வழிச் சொத்து கிடைப்பதில் நிலவிய தடை, தாமதங்கள் தாய் மாமன் உதவியால் சீராகும். திருமணத் தடை அகலும். ஸ்திர சொத்துக்கள் சேரும். 21.2.2024 அன்று காலை 7.44 முதல் 23.2.2024 அன்று மாலை 7.25 மணி வரை சந்திராஷ்டமம் இருப்பதால் அறிமுகம் இல்லாத நபர்களிடம் வங்கி கணக்கு விவரங்களை தெரிவிக்க கூடாது. பணப் பரிவர்த்தனையில் கவனம் தேவை. மாசி மகத்தன்று மஞ்சள் அபிசேகம் செய்து சிவனை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406