26.2.2024 முதல் 3.3.2024 வரை
கடன் தொல்லைகள் குறையும் வாரம். உச்சம் பெற்ற பூர்வ புண்ணிய ஸ்தான அதிபதி செவ்வாய் பூர்வ புண்ணிய ஸ்தானத்தில் நிற்கும் ராசி அதிபதி குருவை பார்க்கிறார். இது தனுசு ராசிக்கு திருப்பு முனையான வாரமாக அமையும். குரு மங்கள யோகத்தால் பல காலமாக உங்களுக்குள் இருந்த மனக்கவலைகள் எல்லாம் குறையும். சகல செளபாக்கியங்களையும் ஏற்படுத்தக் கூடிய நல்ல வாரமாக இருக்கும் என்பதில் எந்த வித மாற்றுக் கருத்தும் இல்லை.நீங்கள் பிறந்த பலனை அடையப் போகிறீர்கள்.புதிய சொத்துக்கள் வாங்கலாம். என்றோ வாங்கிப் போட்ட சொத்துக்களின் மதிப்பு உயரும். பழைய கடன்களை செலுத்தி புதிய வாழ்க்கைக்கு அடித்தளம் அமைப்பீர்கள்.
கடன்பத்திரம், ஆவணங்கள் தொடர்பான தொல்லைகள் விலகும். மன உளைச்சல் அகலும். பூர்வீகம் சென்று வரும் வாய்ப்பு உள்ளது. திருமணம், குழந்தை பிறப்பில் நிலவிய தடைகள் அகலும். எதிரிகள் தொல்லை குறையும். சிலருக்கு புதிய எதிர்பாலின நட்பால் தேவையில்லாத கெட்ட பெயர் உருவாகும். தட்சிணா மூர்த்தியை வழிபடவும்.
`பிரசன்ன ஜோதிடர்'
ஐ.ஆனந்தி
செல்: 98652 20406