11.12.2023 முதல் 17.12.2023 வரை
லாபகரமான வாரம். லாப அதிபதி சுக்ரன் லாப ஸ்தானத்தில் ஆட்சி பெறுவதால் சிறப்பான பலன்கள் தேடி வரும். ராசி அதிபதி குரு தன் வீட்டைத் தானே பார்ப்பதால் பூர்வ புண்ணிய ஸ்தானம், பாக்கிய ஸ்தான வலிமையால் வாழ்க்கை யின் அனைத்து விஷயங்களும் சாதகமாக நடக்கும். குடும்ப தேவைக்காக புதிய சொத்துக்கள் வாங்கி மகிழ்வீர்கள், வாழ்வின் முன்னேற்றம்,தொழில் தொடர்பான சிந்தனை, சுய முயற்சி எப்பொழுதும் இருந்து கொண்டே இருக்கும். ஆழ்மன சிந்தனை பெருகும். சுறுசுறுப்பாக இயங்கி புதிய முயற்சி செய்து கொண்டே இருப்பார்கள்.பூர்வீகச் சொத்தால் மிகுதியான பலன் உண்டு. குல தெய்வ அனுகிரகம் உண்டாகும்.
பெண்கள் பொருளாதாரத்தில் முன்னேற்றம் காண்பார்கள். கணவருடனான ஒற்றுமை நன்றாக இருக்கும். பரிசுகள், பட்டங்கள், பதவிகள் கிடைக்கும். தடைபட்ட பல விசயங்களுக்கு விடைகள் கிடைத்து அனுகூலமான மாற்றங்கள் பெற்று மகிழ்வீர்கள். கடன் தொல்லைகள் நீங்கி கணி சமான லாபம் உயரும். பிள்ளை களால் ஏற்பட்ட மன சஞ்சலம் அகலும்.தாயாரின் ஆயுள் ஆரோக்யம் சிறப்பாக இருக்கும். அமாவாசையன்று முன்னோர்களை வழிபடவும்.
`பிரசன்ன ஜோதிடர்'
ஐ.ஆனந்தி
செல்: 98652 20406