12.2.2024 முதல் 18.2.2024 வரை
திட்டமிட்டு செயல்பட வேண்டிய வாரம். ராசி அதிபதி புதன் 8ல் உச்சம் பெற்ற 6,11ம் அதிபதி செவ்வாயுடன் சேர்க்கை.பாக்கிய ஸ்தானத்தில் பாக்கியாதிபதி சனியுடன் முயற்சி ஸ்தான அதிபதி சூரியன் பல்வேறு ஆசைகளால் மனம் அலைபாயும். ஆன்ம பலம் பெருகும். புதிய சிந்தனைகள் உரு வாகும். வீடு கட்டி குடியேறுதல் புதிய வாகனம் வாங்குதல் என பல ஆசைகளை நிறைவேற்ற முயற்சிப்பீர்கள். இதுவரை நிலையான வேலை இல்லாதவர்களுக்கு நிரந்தரமான வேலை கிடைக்கும்.சிலருக்கு அரசு உத்தியோகத்திற்கு இணையான உத்தியோகம் கிடைக்கும்.
விபரீத ராஜ யோகத்தால் மறைமுக வருமானம் அதிகரிக்கும். வழக்குகள் தள்ளிப் போகும். பூர்வ புண்ணிய ஸ்தானத்திற்கு குருப் பார்வை இருப்பதால் எதையும் சமாளிக்கும் மனப் பக்குவம் உருவாகும். வாழ்க்கைத் துணைக்கு இடமாற்றம், பதவி உயர்வு, ஊதிய உயர்வு கிடைக்கும். சிலர் எலும்பு, நரம்பு தொடர்பான பிரச்சினைக்கு சிகிச்சை செய்ய நேரும். சிலருக்கு கடன் சுமை கூடும். பெண்களுக்கு தாய் வழிச் சீதனம் கிடைக்கும். அநாவசிய வம்பு வழக்குகளை தவிர்க்கவும்.புதன் கிழமை விஷ்ணு சகஸ்ஹர நாமம் கேட்கவும்.
`பிரசன்ன ஜோதிடர்'
ஐ.ஆனந்தி
செல்: 98652 20406