11.3.2024 முதல் 17.3.2024 வரை
மன நிறைவான வாரம். ராசி அதிபதி புதன் நீசமடைந்து தொழில் ஸ்தானத்தில் சகாய ஸ்தான அதிபதி சூரியனுடன் இணைவது புத ஆதித்திய யோகம். தடைபட்ட அனைத்து முயற்சிகளும் துரிதமாகும். துணிச்சலாக செயல்பட்டு இலக்கை அடைவீர்கள். குலத் தொழில் செழித்து வளரும். தொழில், உத்தியோகத்தில் திட்டமிட்டு வெற்றிக் கனியை சுவைப்பீர்கள். தொழிலை விரிவுபடுத்த தேவையான பொருளாதார உதவிகள் கிடைக்கும். பிள்ளைகளின் திருமணம், வளை காப்பு, பெற்றோர்களின் மணிவிழா என வீட்டில் தொடர் சுப நிகழ்வுகள் நடந்து கொண்டே இருக்கும்.
வயது முதிர்ந்தவர்களுக்கு ஆன்மிக பயணம் மேற்கொள்ள வாய்ப்பு கிடைக்கும். முன்னோர்களின் நல்லாசியும், ஆஸ்தியும் கிடைக்கும். பிள்ளைகளால் பெருமை உண்டாகும். கணவன், மனைவிக்குள் நிலவிய பிணக்குகள் நீங்கி இணக்கம் ஏற்படும். வீடு கட்டும் பணி துரிதமாகும். ராசி அதிபதி புதன் ராகுவுடன் சேருவதால் தோல் அலர்ஜி, அரிப்பு போன்ற சிறிய உடல் உபாதைகள் இருக்கும். பெண்களுக்கு தாயின் ஆதரவு கிடைக்கும். சிவபுராணம் படிக்க தொல்லைகள், மனக் கவலைகள் அகலும்.
`பிரசன்ன ஜோதிடர்'
ஐ.ஆனந்தி
செல்: 98652 20406