இந்த வார ராசிபலன்

29.04.2024 முதல் 05.05.2024 வரை

லாபகரமான வாரம். ராசி அதிபதி புதன் நீசம் பெற்றாலும் தொழில் ஸ்தானத்தில் சஞ்சரிப்பதால் பதவியில், உத்தியோகத்தில் இருந்த நெருக்கடி நிலை குறைந்து உழைப்பிற்கான பலன் கிடைக்கும். பணி ஓய்வு பெற்றவர்களுக்கு மீண்டும் திறமைக்கு தகுந்த நல்ல வேலை கிடைக்கும்.

தொழில் விருத்திக்காக எதிர்பார்த்த பொருளாதார உதவிகள் கிடைக்கும். தொழில், உத்தியோக ரீதியான பயணங்கள் லாபம் பெற்றுத்தரும். ஆன்லைன் மற்றும் தகவல் தொடர்பு சாதனங்களில் வணிகம் புரிபவர்களுக்கு தொழில் வளர்ச்சி பெருகும். வீடு, மனை, வாகன எண்ணங்களை நிறைவு செய்யக் கூடிய சாத்தியக் கூறுகள் உருவாகும். பூர்வீகம் தொடர்பான சகோதர சச்சரவுகள் விலகும். பணப்புழக்கம் அதிகரிக்கும். நிலுவையில் உள்ள சம்பள பாக்கிகள் வராக்கடன்கள் வசூலாகும். பெண்களுக்கு தாய் வழி உறவுகளால் ஆதாயம் உண்டு. தந்தையின் ஆரோக்கியத்தில் நல்ல முன்னேற்றம் தென்படும்.

30.4.2024 அன்று காலை 10.36 மணி முதல் 2.5.2024 அன்று பகல் 2.32 மணி வரை சந்திராஷ்டமம் இருப்பதால் சிந்தித்து நிதானமாக திட்டமிட்டால் எதிர்பார்த்த இலக்கை அடைய முடியும். புதன்கிழமை ஸ்ரீ வித்யா லட்சுமியை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406