கோமியோ நிறுவனம் இந்தியாவில் சி1 ப்ரோ ஸ்மார்ட்போனினை அறிமுகம் செய்துள்ளது. டூயல் 4ஜி வோல்ட்இ வசதி கொண்ட புதிய ஸ்மார்ட்போன் ஃபேஸ் அன்லாக் வசதி கொண்ட விலை குறைந்த ஸ்மார்ட்போன் என்ற பெருமையை பெற்றிருக்கிறது.
5.0 இன்ச் ஹெச்டி ஸ்கிரீன், குவாட்கோர் மீடியாடெக் சிப்செட், ஆன்ட்ராய்டு 8.1 ஓரியோ இயங்குதளம் கொண்டிருக்கும் கோமியோ சி1 ப்ரோ ஸ்மார்ட்போனில் 8 எம்பி பிரைமரி கேமரா, எல்இடி ஃபிளாஷ், 5 எம்பி செல்ஃபி கேமரா வழங்கப்பட்டிருக்கிறது.
பிரத்யேக டூயல் சிம் ஸ்லாட் மற்றும் மைக்ரோ எஸ்டி ஸ்லாட் வழங்கப்பட்டிருக்கும் 2500 எம்ஏஹெச் பேட்டரி மூலம் சக்தியூட்டப்படுகிறது. ஃபேஸ் அன்லாக் வசதி இருப்பதால் இதில் கைரேகை சென்சார் வழங்கப்படவில்லை.
கோமியோ சி1 ப்ரோ சிறப்பம்சங்கள்:
- 5.0 இன்ச் 1280x720 பிக்சல் ஹெச்டி பிளஸ் 2.5D வளைந்த கிளாஸ் IPS டிஸ்ப்ளே
- 1.5 ஜிகாஹெர்ட்ஸ் குவாட்-கோர் மீடியாடெக் MT6739 64-பிட் பிராசஸர்
- பவர் விஆர் ரோக் GE8100 GPU
- 1.5 ஜிபி ரேம்
- 16 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.1 ஓரியோ
- டூயல் சிம் ஸ்லாட்
- 8 எம்பி பிரைமரி கேமரா, எல்இடி ஃபிளாஷ்
- 5 எம்பி செல்ஃபி கேமரா
- டூயல் 4ஜி வோல்ட்இ, வைபை, ப்ளூடூத்
- 2500 எம்ஏஹெச் பேட்டரி
கோமியோ சி1 ப்ரோ ஸ்மார்ட்போன் மெட்டாலிக் கிரே, சன்ரைஸ் கோல்டு மற்றும் ராயல் பிளாக் என மூன்று நிறங்களில் கிடைக்கிறது. இந்தியாவில் ரூ.5,599 விலையில் கிடைக்கும் கோமியோ சி1 ப்ரோ அமேசான், ப்ளிப்கார்ட், ஸ்னாப்டீல், ஷாப்க்ளூஸ், மற்றும் பேடிஎம் போன்ற வலைத்தளங்கள் மற்றும் ஆஃப்லைன் விற்பனை மையங்களில் கிடைக்கிறது.
இத்துடன் ரிலையன்ஸ் ஜியோ வாடிக்கையாளர்களுக்கு ரூ.2,200 கேஷ்பேக் சலுகை வழங்கப்படுகிறது. இதனால் கோமியோ சி1 ப்ரோ ஸ்மார்ட்போன் வாங்கும் ஜியோ வாடிக்கையாளர்கள் ரூ.3,399 விலையில் வாங்கிட முடியும். ஜியோ கேஷ்பேக் தொகை வவுச்சர்கள் வடிவில் ஜியோ கணக்கில் சேர்க்கப்படும்.
