ஜிம்பாப்வேவுக்கு எதிரான 2-வது 20 ஓவர் போட்டி- தென் ஆப்பிரிக்கா மீண்டும் வெற்றி

ஜிம்பாப்வே கிரிக்கெட் அணி தென் ஆப்பிரிக்காவில் சுற்றுப்பயணம் செய்து விளையாடி வருகிறது. இரு அணிகள் மோதிய 2-வது 20 ஓவர் போட்டி நேற்று போட்சேபிஸ்ட்ரூம் நகரில் நடந்தது.

முதலில் பேட்டிங் செய்த ஜிம்பாப்வே 20 ஓவரில் 7 விக்கெட் இழப்புக்கு 132 ரன் எடுத்தது. சீன் வில்லியம்ஸ் 41 ரன் எடுத்தார். நிசிடி, பேட்டர்சன், பிரைலிங்க் தலா 2 விக்கெட் வீழ்த்தினர். 

அடுத்து இலக்கை நோக்கி விளையாடிய தென் ஆப்பிரிக்கா 15-4 ஓவரில் 4 விக்கெட்டை இழந்து 135 ரன் எடுத்து 6 விக்கெட் வித்தியாசத்தில் வெற்றி பெற்றது. டுமினி 33 ரன்னும், டி.சாஜ் 26 ரன்னும் எடுத்தனர். இந்த வெற்றி மூலம் மூன்று போட்டி கொண்ட 20 ஓவர் தொடரை தென் ஆப்பிரிக்கா கைப்பற்றியது. ஏற்கனவே முதல் போட்டியில் வெற்றி பெற்று இருந்தது. 3-வது மற்றும் கடைசி 20 ஓவர் போட்டி நாளை நடக்கிறது. #T20 #zimvsa