பிரேசில் நாட்டின் தலைசிறந்த கால்பந்து வீரர் நெய்மர். இவர் கால்பந்து வரலாற்றிலேயே இல்லாத அளவிற்கு மிகப்பெரிய தொகைக்கு பார்சிலோனாவில் இருந்து பிரான்ஸ் கிளப் ஆன பாரிஸ் ஜெயின்ட் ஜெர்மைன் அணிக்கு சென்றார்.
அந்த அணியில் இருந்து ரியல் மாட்ரிட் அணிக்கு செல்லலாம் என்று யூகம் அடிப்படையில் செய்திகள் வெளியாகின. ரியல் மாட்ரிட் நெய்மரை மிகப்பெரிய தொகைக்கு வாங்க இருக்கிறது என்றும் கூறப்பட்டது. இதற்கான நான்கு வீரர்களை வெளியேற்றவும் அந்த அணி முடிவு செய்துள்ளதாக செய்திகள் வெளியாகின.
தற்போது நெய்மர் காயத்தில் இருந்து மீண்டு வருகிறார். பிரேசிலில் இருந்து பிரான்ஸ் சென்றுள்ளதால் உலகக்கோப்பையில் விளையாடுவார் என்று தெரிகிறது.
இந்நிலையில் பிஎஸ்ஜி அணி அடுத்த சீசனுக்கான புது ஜெர்ஸியை வெளியிட்டுள்ளது. இதை அணிந்து கொண்டு, தனது டுவிட்டர் பக்கத்தில், புதிய ஜெர்ஸியை அணிவதற்கு பெருமையாக இருக்கிறது எனக்குறிப்பிட்டுள்ளார். இதனால் 2018-19 சீசனிலும் பிஎஸ்ஜி அணிக்காகத்தான் விளையாடுவார் என்பதை சூசகமாக தெரிவித்துள்ளார்.
