பேட்மிண்டனில் சாய்னா, பிவி சிந்து ஸ்ரீகாந்த் கிதாம்பி அரையிறுதிக்கு முன்னேற்றம்

காமன்வெல்த் பேட்மிண்டன் போட்டியில் இன்று காலிறுதி ஆட்டங்கள் நடைபெற்றன. பெண்களுக்கான ஒற்றையர் பிரிவு காலிறுதி ஆட்டம் ஒன்றில் இந்தியாவின் முன்னணி வீராங்கனையான சாய்னா நேவால், கனடாவின் ரசெல் ஹோண்டரிச்சை எதிர்கொண்டார். இதில் சாய்னா நேவால் 21-8, 21-13 என நேர்செட் கணக்கில் வெற்றி பெற்றார்.

மற்றொரு ஆட்டத்தில் பிவி சிந்து கனடாவிடன் பிரிட்னி டாமை எதிர்கொண்டார். இதில் 21-14, 21-17 என நேர்செட் கணக்கில் வெற்றி பெற்று அரையிறுதிக்கு முன்னேறினார்.

ஆண்களுக்கான ஒற்றையர் பிரிவில் எச்எஸ் பிரனோய் இலங்கை வீரரை வீழ்த்தியும், ஸ்ரீகாந்த் கிதாம்பி 2-0 என சிங்கப்பூர் வீரரை வீழ்த்தியும் அரையிறுதிக்கு முன்னேறியுள்ளனர்.

கலப்பு இரட்டையர் பிரிவில் ராங்கிரெட்டி சாத்விக்- அஸ்வினி பொன்னப்பா ஜோடியும், ஆண்கள் இரட்டையர் பிரிவில் ராங்கிரெட்டி சாத்விக்- சிராக் சந்திரசேகர் ஷெட்டி ஜோடியும் அரையிறுதிக்கு முன்னேறியுள்ளன.