பிசிசிஐ-யின் முன்னாள் ஜெனரல் மானேஜர் எம்.பி ஸ்ரீதர் மாரடைப்பால் காலமானார்

இந்திய கிரிக்கெட் வாரியத்தின் கிரிக்கெட் செயல்பாடு ஜெனரல் மானேஜராக செயல்பட்டு வந்தவர் எம்.வி. ஸ்ரீதர். 51 வயதாகும் இவர் மாரடைப்பால் காலமானார். இவர் ஐதராபாத் அணிக்காக 1988-89 முதல் 1999-2000 வரை விளையாடி 6701 ரன்கள் குவித்துள்ளார். 21 சதங்களுடன் 48.91 சராசரி வைத்துள்ளார். 1993-94-ல் ஆந்திராவிற்கு எதிராக முச்சதமும் அடித்துள்ளார்.



டாக்டர் படித்துள்ள இவர், இந்திய கிரிக்கெட் வாரியத்தில் பல்வேறு பதவிகளை வகித்துள்ளார். 2007-08-ல் ஆஸ்திரேலியா இந்தியா வரும்போது இந்திய கிரிக்கெட் அணியின் மானேஜராக செயல்பட்டுள்ளார். கடந்த ஆண்டு இந்தியாவில் நடைபெற்ற டி20 கிரிக்கெட் தொடருக்கான டைரக்டராகவும் செயல்பட்டுள்ளார். இவருக்கு மனைவி, மகன் மற்றும் மகள் உள்ளனர்.