சத்தீஸ்கர் சட்டசபை முதல்கட்ட தேர்தலில் சுமார் 70 சதவீதம் வாக்குப்பதிவு

ராய்ப்பூர்:

90 உறுப்பினர்களை கொண்ட சத்தீஸ்கர் சட்டசபைக்கு இருகட்டங்களாக தேர்தல் அறிவிக்கப்பட்டது. நக்சலைட்களின் ஆதிக்கம் நிறைந்த 18 தொகுதிகளில் நவம்பர் 12-ம் தேதியும், மீதமுள்ள 72 தொகுதிகளில் நவம்பர் 20-ம் தேதியும் வாக்குப்பதிவு நடத்த தீர்மானிக்கப்பட்டு இன்று முதல்கட்ட வாக்குப்பதிவு நடந்து முடிந்தது.

இன்று மாலை 6 மணியளவில் கிடைத்த தகவலின்படி மேற்கண்ட தொகுதிகளில் சராசரியாக சுமார் 70 சதவீதம் ஓட்டுகள் பதிவானதாக அம்மாநில தேர்தல் கமிஷன் துணை அதிகாரி உமேஷ் சின்ஹா தெரிவித்துள்ளார்.

மேலும் சில வாக்குச்சாவடிகளில் இருந்து விபரங்கள் வர வேண்டியுள்ள நிலையில் இந்த சதவீதம் அதிகரிக்கவும் வாய்ப்புள்ளதாக கருதப்படுகிறது. #70percentturnout #Chhattisgarhpolls #Chhattisgarhfirstphasepolls