ராகுல் காந்தி மனரீதியாக பலவீனமானவர் - பா.ஜ.க. பெண் எம்.பி பேச்சால் சர்ச்சை

ராய்ப்பூர்:

கோகோ கோலா நிறுவனர் யார் தெரியுமா? ஒரு காலத்தில் ஷிகான்ஜி (லெமன் சூஸ்) விற்றவர் என காங்கிரஸ் தலைவர் ராகுல் காந்தி டுவிட்டரில் கிண்டல் அடித்துள்ளார்.

இதற்கு பதிலளித்த பாரதிய ஜனதா பெண் எம்பி. சரோஜ் பாண்டே கூறியதாவது:-

அவர் (ராகுல் காந்தி ) கூறுவது என்ன ஆச்சரியமான விஷயம். அவர் கற்றுக்கொள்ள முயற்சிக்கிறார். 40 வயதில் கற்றுக் கொள்ளும் ஒரு நபர் கற்றுக்கொண்டவர் என்று அழைக்க முடியாது. அத்தகைய நபர் மனரீதியாக பலவீனமானவர் என அழைக்கப்படுகிறார் என்று தெரிவித்தார்.

ராகுல் காந்தி குறித்த விமர்சனத்திற்கு காங்கிரஸ் கட்சி எதிர்ப்பு தெரிவித்து உள்ளது. சரோஜ் பாண்டே உடனடியாக தனது அறிக்கையை திரும்பப் பெற வேண்டும் என்று வலியுறத்தி உள்ளது. #RahulGandhi #SarojPandey