என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ஹாசினி கொலை குற்றவாளி தஷ்வந்த் மும்பையில் கைது: தமிழக போலீசார் அதிரடி
Byமாலை மலர்6 Dec 2017 2:10 PM GMT (Updated: 6 Dec 2017 2:11 PM GMT)
சிறுமி ஹாசினியை கற்பழித்து கொலை செய்தும், தாயை கொன்று நகைகளை திருடி தலைமறைவாக இருந்த குற்றவாளி தஷ்வந்தை தமிழக போலீசார் இன்று மும்பையில் கைது செய்துள்ளனர்.
திருவள்ளூர்:
திருவள்ளூர் மாவட்டம் மாங்காட்டை அடுத்த மவுலிவாக்கத்தில் வசித்து வந்த சாப்ட்வேர் இன்ஜினியர் பாபுவின் மகள் சிறுமி ஹாசினி(6)யை, பிப்ரவரி 6-ம் தேதி அதே குடியிருப்பில் வசித்துவந்த தஷ்வந்த் (24) கற்பழித்து கொலை செய்தான்.
ஹாசினி உடலை அனகாபுத்தூர் அருகே ஒரு இடத்தில் வைத்து எரித்துவிட்டார். இதுதொடர்பாக வழக்குப்பதிவு செய்த மாங்காடு போலீசார் தஷ்வந்தை கைது செய்து புழல் சிறையில் அடைத்தனர். அவர் குண்டர் சட்டத்திலும் சிறையில் அடைக்கப்பட்டார்.
கடந்த செப்டம்பர் மாதம் தஷ்வந்த் மீது போடப்பட்ட குண்டர் சட்டத்தை ஐகோர்ட்டு ரத்துசெய்து ஜாமினில் விடுவித்தது. இதை தொடர்ந்து, அந்த வீட்டை காலி செய்து குன்றத்தூருக்கு சென்ற தஷ்வந்த் அவரது பெற்றோர் சேகர்(65), சரளா (45) ஆகியோருடன் வசித்து வந்தார்.
இதற்கிடையே, ஜாமினில் வெளியே வந்த தஷ்வந்த், குடிப்பதற்காக தாயிடம் பணம் கேட்டு தகராறு செய்து வந்தான். கடந்த வாரம் தாய் சரளாவை கொன்று விட்டு வீட்டில் இருந்த 25 சவரன் நகைகளை திருடிக் கொண்டு தப்பிச் சென்றான்.
தகவலறிந்த குன்றத்தூர் போலீசார் சம்பவ இடத்திற்கு விரைந்து வந்து சரளா உடலை கைப்பற்றி பிரேத பரிசோதனைக்கு அனுப்பிவைத்தனர். தலைமறைவான தஷ்வந்தை பிடிக்க மூன்று தனிப்படைகள் அமைக்கப்பட்டு உள்ளதாக போலீசார் தெரிவித்தனர்.
இந்நிலையில், மும்பையில் தலைமறைவாக இருந்த தஷ்வந்தை சுற்றி வளைத்து தமிழக போலீசார் இன்று கைது செய்தனர்.
இதுதொடர்பாக போலீசார் கூறுகையில், சிறுமி ஹாசினியை கற்பழித்து கொலை செய்தும், தாயை கொன்று நகைகளை திருடியும் சென்ற தஷ்வந்த் தலைமறைவாக இருந்து வந்தான். தஷ்வந்த மும்பையில் தலைமறைவாக இருப்பதாக தகவல் கிடைத்தது. இதையடுத்து, மும்பைக்கு சென்ற நாங்கள் அங்கு தலைமறைவாக இருந்த தஷ்வந்தை சுற்றி வளைத்து கைது செய்தோம் என தெரிவித்தனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X