மாலை நேர ஸ்நாக்ஸ் ஸ்வீட் கார்ன் வடை

தேவையான பொருட்கள் :

ஸ்வீட் கார்ன் முத்துக்கள் - ஒரு கப்,
உளுந்து - ஒரு டீஸ்பூன்,
பச்சரிசி - ஒரு டீஸ்பூன்,
காய்ந்த மிளகாய் - 10,
சோம்பு - அரை டீஸ்பூன்,
சின்ன வெங்காயம் - 100 கிராம்
புதினா, கொத்தமல்லித்தழை, கறிவேப்பில்லை - அனைத்தும் சேர்ந்து ஒரு கப் (நறுக்கியது),  
எண்ணெய் - தேவையான அளவு,
உப்பு - தேவையான அளவு.



செய்முறை :  

* சின்ன வெங்காயம், புதினா, கொத்தமல்லித்தழை, கறிவேப்பில்லையை பொடியாக நறுக்கி கொள்ளவும்.

* உளுந்து, பச்சரிசி ஆகியவற்றை மூழ்குமளவு நீரில் 1 மணி நேரம் ஊறவைக்கவும்.

* ஊற வைத்த உளுந்து, பச்சரியுடன் ஸ்வீட் கார்ன் முத்துக்கள், காய்ந்த மிளகாய், உப்பு சேர்த்து மிக்ஸியில் கொரகொரவென அரைக்கவும்.

* அரைத்த மாவில் நறுக்கிய வெங்காயம், புதினா, கொத்தமல்லித்தழை, கறிவேப்பிலை, சோம்பு சேர்த்துப் பிசைந்து கொள்ளவும்.

* கடாயை அடுப்பில் வைத்து எண்ணெய் ஊற்றி சூடானதும் அதில் மாவை வடைகளாகத் தட்டி, சூடான எண்ணெயில் போட்டு பொரித்து எடுக்கவும்.

* சூப்பரான ஸ்வீட் கார்ன் வடை ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்