அடுத்த படத்தை ஆரம்பித்த சிவகார்த்திகேயன்

சிவகார்த்திகேயன் நடிப்பில் சீமராஜா படம் செப்டம்பர் 13-ஆம் தேதி ரிலீசாக இருக்கிறது. சிவகார்த்திகேயன் தற்போது ரவிக்குமார் இயக்கத்தில் விஞ்ஞானம் சம்பந்தப்பட்ட படத்தில் நடித்து வருகிறார். 24 ஏ.எம்.ஸ்டூடியோஸ் தயாரிக்கும் இந்த படத்தில் சிவகார்த்திகேயன் ஜோடியாக ரகுல் ப்ரீத் சிங் நடிக்கிறார். 

இந்த படத்தின் முதற்கட்ட படப்பிடிப்பு சமீபத்தில் துவங்கிய நிலையில், ராஜேஷ் இயக்கத்தில் சிவகார்த்திகேயன் நடிக்கும் புதிய படத்தின் படப்பிடிப்பு இன்று துவங்கியிருப்பதாக 24 ஏ.எம்.ஸ்டூடியோஸ் நிறுவனத்தின், ஆர்.டி.ராஜா அவரது ட்விட்டர் பக்கத்தில் வாழ்த்து தெரிவித்துள்ளார்.

ஸ்டூடியோ கிரீன் சார்பில் கே.வி.ஞானவேல் ராஜா தயாரிக்கும் இந்த படத்தில் சிவகார்த்திகேயன் ஜோடியாக நயன்தாரா நடிக்கிறார். முக்கிய கதாபாத்திரத்தில் சதீஷ் நடிக்கிறார். இந்த படத்தில் இடம்பெறும் மற்ற கலைஞர்கள் விவரம் விரைவில் வெளியாகும் என்று எதிர்பார்க்கப்படுகிறது. #SK13 #Sivakarthikeyan #Nayanthara