ரஜினி நடிப்பில் தற்போது வெளியாகி இருக்கும் படம் ‘காலா’. பா.ரஞ்சித் இயக்கிய இப்படத்தை தனுஷ் தயாரித்திருந்தார். இப்படம் கடந்த வாரம் வெளியாகி வெற்றிகரமாக திரையரங்குகளில் ஓடிக்கொண்டிருக்கிறது.
இதில் ரஜினி, கரிகாலன் என்கிற காலாவாக நடித்திருந்தார். தன் கையில் சரீனா என்ற முன்னாள் காதலி பெயரை பச்சை குத்தி இருப்பார். காதலி பிரிந்த பின்னாலும் கூட அதை அழிக்காமலேயே சரீனா நினைவிலேயே வாழும் கதாபாத்திரத்தில் தோன்றினார்.
காலா படம் வெளியாகும் சமயம் கார்த்திக் சுப்புராஜ் படத்தில் நடிக்க சென்றுவிட்டார் ரஜினி. இப்போது நடித்துக்கொண்டிருக்கும் அந்த படத்திலும் கையில் பச்சையுடன் தோன்றுவது தெரிய வந்து இருக்கிறது. தற்போது வெளியாகி இருக்கும் ரஜினியின் புகைப்படம் ஒன்றில் புது பட கெட்டப்பில் ஒரு டீ சர்ட் அணிந்து கையில் காப்பு அணிந்திருக்கிறார். ஏதோ ஒரு பெயரை பச்சையும் குத்தியும் இருக்கிறார்.
காலாவில் கையின் உள்பக்கமாக பச்சை குத்தி இருந்தவர் இதில் அதே வலது கையில் பின்பக்கமாக பச்சை குத்தி இருக்கிறார். ரஜினி இதற்கு முன் ‘முத்து’ படத்திலும் கையில் காப்புடன் நடித்து இருந்தார். அந்த காப்பு மணிக்கட்டு அருகில் காணப்படும். அதை வைத்து சண்டை இடுவார். ஆனால் இந்த படத்தில் காப்பு முழங்கைக்கு மேலே இருக்கிறது.
