search icon
என் மலர்tooltip icon

    தொழில்நுட்பம்

    இந்தியாவில் விலை குறைக்கப்பட்ட ரெட்மி ஸ்மார்ட்போன்கள்
    X

    இந்தியாவில் விலை குறைக்கப்பட்ட ரெட்மி ஸ்மார்ட்போன்கள்

    இந்தியாவில் சமீபத்தில் அறிமுகமான ரெட்மி சீரிஸ் ஸ்மார்ட்போன்களின் விலை தற்காலிகமாக குறைக்கப்பட்டு இருக்கிறது. #Xiaomi #Redmi6



    சியோமி நிறுவனம் சமீபத்தில் அறிமுகம் செய்த ரெட்மி சீரிஸ் ஸ்மார்ட்போன் மாடல்களின் விலை தற்காலிகமாக குறைக்கப்பட்டுள்ளது. தற்காலிக விலை குறைப்பு இன்று (பிப்ரவரி 6) துவங்கி பிப்ரவரி 8 ஆம் தேதி வரை அமலாகி இருக்கிறது. அந்த வகையில் ரெட்மி 6, ரெட்மி 6ஏ மற்றும் ரெட்மி 6 ப்ரோ ஸ்மார்ட்போன்களின் விலை ரூ.500 முதல் ரூ.2000 வரை குறைக்கப்படுகிறது.

    சியோமி அதிகாரப்பூர்வ வலைதளம், அமேசான் மற்றும் ப்ளிப்கார்ட் உள்ளிட்டவற்றில் ரெட்மி 6 சீரிஸ் ஸ்மார்ட்போன்கள் குறைக்கப்பட்ட விலையில் விற்பனை செய்யப்படுகிறது. புதிய விலை குறைப்பிற்கான அறிவிப்பினை ரெட்மி தனது அதிகாரப்பூர்வ ட்விட்டர் பக்கத்தில் அறிவித்துள்ளது.

    சாம்சங் சமீபத்தில் கேலக்ஸி எம் சீரிஸ் ஸ்மார்ட்போன்களை பட்ஜெட் விலையில் அறிமுகம் செய்துள்ளதை தொடர்ந்து ரெட்மி இந்தியா தனது ஸ்மார்ட்போன்களுக்கு தற்காலிக விலை குறைப்பினை அறிவித்துள்ளன. சாம்சங் புதிய ஸ்மார்ட்போன்களை வாங்குவோருக்கு எவ்வித சலுகைகளையும் அறிவிக்கவில்லை.  



    ரெட்மி 6 ப்ரோ ஸ்மார்ட்போனின் 4 ஜி.பி. ரேம் வெர்ஷன் விலை ரூ.2000 குறைக்கப்பட்டு தற்சமயம் ரூ.10,999 விலையில் விற்Hனை செய்யப்படுகிறது. இதன் 3 ஜி.பி. ரேம், 32 ஜி.பி. மெமரி மாடல் விலையும் ரூ.2000 குறைக்கப்பட்டு தற்சமயம் ரூ.8,999 விலையில் விற்பனை செய்யப்படுகிறது.

    இதேபோன்று ரெட்மி 6ஏ ஸ்மார்ட்போன் ரூ.500 விலை குறைக்கப்பட்டு தற்சமயம் 2 ஜி.பி. ரேம் வெர்ஷன் ரூ.6,499 விலையில் விற்பனை செய்யப்படுகிறது. இறுதியில் ரெட்மி 6 3 ஜி.பி. ரேம், 64 ஜி.பி. மெமரி மாடல் ரூ.1,000 குறைக்கப்பட்டு தற்சமயம் ரூ.8,499 விலையில் விற்பனை செய்யப்படுகிறது.

    ப்ளிப்கார்ட் தளத்தில் ரெட்மி ஸ்மார்ட்போன்களின் விலை குறைக்கப்பட்டிருப்பதோடு தேர்வு செய்யப்பட்ட வங்கி கார்டுகளை கொண்டு பணம் செலுத்தும் போது 10 சதவிகிதம் கேஷ்பேக் மற்றும் ஏர்டெல் வாடிக்கையாளர்களுக்கு ரூ.1800 மதிப்புடைய உடனடி தள்ளுபடி மற்றும் 20 ஜி.பி. வரை கூடுதல் டேட்டா வழங்கப்படுகிறது.
    Next Story
    ×