நீங்கள் தேடியது "ராம்குமார் ராமநாதன்"

நியூயார்க் ஓபன் டென்னிஸ் தொடரில் முதல் சுற்றில் இந்திய வீரர் ராம்குமார் ராமநாதன் தைவான் வீரர் ஜேசன் ஜங்கை எதிர்கொண்டார். 143-வது இடத்தில் இருக்கும் ஜேசன் ஜங் ராமநாதனுக்கு கடும் நெருக்கடி கொடுத்தார். ராமநாதன் முதல் செட்டை 3-6 என இழந்தார்.

ஆனால் 2-வது செட்டில் சிறப்பாக விளையாடி அதை 6-3 எனக் கைப்பற்றினார். வெற்றியை தீர்மானிக்கும் கடைசி செட்டில் ராமநாதன் சோபிக்கவில்லை. அந்த செட்டை 1-6 என இழந்து போட்டியில் இருந்து வெளியேறினார். ராம்குமார் இரண்டு தகுதிச்சுற்றில் வெற்றி பெற்று முதன்மை சுற்றுக்கு முன்னேறினார் என்பது குறிப்பிடத்தக்கது.

இல்க்லி ஏடிபி சேலஞ்சர் டென்னிஸ் தொடர் இங்கிலாந்தில் நடைபெற்று வருகிறது. இதில் இந்திய வீரர் ராம்குமார் ராமநாதன் கலந்து கொண்டார். இவர் முதல் சுற்றில் ஆஸ்திரியாவின் செபஸ்டியான் ஆஃப்னெரை எதிர்கொண்டார்.

முதல் செட்டில் செபஸ்டியானுக்கு ஈடுகொடுத்து விளையாடினார் ராம்குமார். என்றாலும் 5-7 என முதல் செட்டை இழந்தார். 2-வது செட்டை 3-6 என எளிதில் இழந்தார். 64-வது நிமிடங்கள் மட்டுமே ராம்குமாரால் தாக்குப்பிடிக்க முடிந்தது.



ஆஃப்னெருடன் ராம்குமார் ராமநாதன் ஐந்து முறை மோதியுள்ளார். முதல் மூன்று ஆட்டங்களில் ராம்குமார் வெற்றி பெற்றுள்ளார். கடைசி இரண்டில் தோல்வியை சந்தித்துள்ளார்.