என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "நீர்பிடிப்பு பகுதியில் சாரல் மழை"
- கடந்த 2 மாதங்களாக இருந்த வெயிலின் தாக்கத்தால் அணைக்கு நீர்வரத்து முழுவதுமாக நின்று நீர்மட்டம் குறைந்தது.
- முல்லை பெரியாறுஅணை நீர்பிடிப்பு பகுதியில் சாரல்மழை பெய்தது. தற்போது அணையின் நீர்மட்டம் 115.80 அடியாக உள்ளது.
கூடலூர்:
தமிழக - கேரள எல்லையில் அமைந்துள்ள முல்லை பெரியாறுஅணை மூலம் தமிழகத்தில் 5 மாவட்ட விவசாய நிலங்கள் பாசன வசதி பெறுகின்றன. மதுரை தேனி மாவட்ட முக்கிய குடிநீர் ஆதாரமாகவும் உள்ளது. மேலும் கம்பம் பள்ளத்தாக்கு பகுதியில் 14,707 ஏக்கர் பரப்பளவில் இருபோக நெல்சாகுபடி நடைபெற்று வருகிறது. இதனால் விவசாயிகள் மழையையே முழுவதுமாக நம்பியிருந்தனர். ஆனால் கடந்த 2 மாதங்களாக இருந்த வெயிலின் தாக்கத்தால் அணைக்கு நீர்வரத்து முழுவதுமாக நின்று நீர்மட்டம் குறைந்தது.
இந்நிலையில் நேற்று தேனி, திண்டுக்கல் உள்பட 15 மாவட்டங்களில் மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்தது. அதுபோல முல்லை பெரியாறுஅணை நீர்பிடிப்பு பகுதியில் சாரல்மழை பெய்தது. தற்போது அணையின் நீர்மட்டம் 115.80 அடியாக உள்ளது. வரத்து இல்லாத நிலையில் 100 கனஅடி நீர் திறக்கப்படுகிறது. இருப்பு 1871 மி.கன அடியாக உள்ளது.
வைகை அணையின் நீர்மட்டம் 53.99 அடியாக உள்ளது. அணைக்கு 26 கனஅடி நீர் வருகிறது. மதுரை மாநகர மக்களின் குடிநீருக்காக 72 கனஅடி நீர் திறக்கப்படுகிறது. இருப்பு 2568 மி.கன அடியாக உள்ளது.
மஞ்சளாறு அணையின் நீர்மட்டம் 37.60 அடியாக உள்ளது. அணைக்கு நீர் வரத்து, திறப்பு இல்லை. இருப்பு 155.59 மி.கன அடியாக உள்ளது. சோத்துப்பாறை அணையின் நீர்மட்டம் 58.98 அடியாக உள்ளது. அணைக்கு வரத்து இல்லாத நிலையில் 3 கனஅடி நீர் திறக்கப்படுகிறது. இருப்பு 21.68 மி.கன அடியாக உள்ளது.
பெரியாறு 23, தேக்கடி 1.8, உத்தமபாளையம் 5.2, சண்முகாநதி அணை 4.7, மஞ்சளாறு 8 மி.மீ மழையளவு பதிவாகியுள்ளது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்