திருப்பரங்குன்றம்
திருப்பரங்குன்றம், திருக்கூடல்மலை (புசுண்டர் மலை) சூட்டுக்கோல் ராம லிங்க விலாசம் சோமப்பா சுவாமிகள் 55-ம் ஆண்டு குருபூஜை இன்று நூற்றுக் கணக்கான பக்தர்கள் முன்னிலையில் நடைபெற் றது.
திருக்கூடல் மலையில் தனி சன்னதியில் சோமப்பர் அருள் பாலித்து வருகிறார். இங்கு வாரந்தோறும் வெள்ளி, செவ்வாய்க்கிழமை மற்றும் பிரதோஷ நாட்களில் சிறப்பு பூஜைகள் நடைபெறு வது வழக்கம். மேலும் ஆண்டுதோறும் அவரது குருபூஜை விழா கொண்டா டப்படும் அதன் அடிப்படை யில் அவரது 55-வது குரு பூஜை விழாவை முன்னிட்டு நேற்று மாலை திருவிளக்கு பூஜைகள் நடைபெற்றது.
அதை தொடர்ந்து இன்று அதிகாலை குருபூஜையை முன்னிட்டு சோமப்பா சுவா மிகளுக்கு சிறப்பு அபிஷேகம் நடைபெற்று சந்தன காப்பு சாற்றப்பட்டது. தொடர்ந்து சிறப்பு யாக சாலை பூஜைகள் நடைபெற்றது. மேலும் அங் குள்ள சிவபெருமானுக்கு சந்தனம், பன்னீர், இளநீர் உள்ளிட்ட பல்வேறு சிறப்பு அபிஷேகங்கள் நடை பெற்றன.
இதில் ஏராளமான பக்தர் கள் கலந்து கொண்டு சோமப்ப சுவாமியை தரிச னம் செய்தனர். மேலும் பக்தர்கள் அனைவருக்கும் அன்னதானம் வழங்கப் பட்டது. குருபூஜை விழாவில் மதுரை மட்டுமல்லாது சிவகங்கை, விருதுநகர், திண்டுக்கல் உள்ளிட்ட பல் வேறு மாவட்டங்களில் இருந்து நூற்றுக்கணக்கான பக்தர்கள் கலந்து கொண்டு சாமி தரிசனம் செய்தனர்.
