மதுரை
மதுரை ரெயில்வே கோட்டத்திற்கு உட்பட்ட வெள்ளனூர் -புதுக்கோட்ட, மானாமதுரை-மேல கொன்னகுளம், திண்டுக்கல் -அம்பாத்துரை, ராஜபாளையம்- சங்கரன்கோவில் இடையே தண்டவாள பராமரிப்பு பணிகள் நடைபெற உள்ளன.
இதன் காரணமாக திருச்சி-மானாமதுரை பயணிகள் ரெயில் இரு மார்க்கங்களிலும் இன்று (8-ந் தேதி) முதல் வருகிற 15-ந் தேதி வரை ஞாயிறு தவிர மற்ற நாட்களில் சிவகங்கை-மானாமதுரை இடையே பகுதியாக ரத்து செய்யப்படுகிறது.
திண்டுக்கல்-அம்பாத்துரை பராமரிப்பு பணிகள் காரணமாக, கோவை-நாகர்கோவில் ரெயில் செவ்வாய், வெள்ளி, சனிக்கிழமைகளில் 90 நிமிடம் தாமதமாக இயக்கப்படும். சென்னை-குருவாயூர் விரைவு ரெயில் மதுரை கோட்டத்தில் செவ்வாய், சனிக்கிழமைகளில் 70 நிமிடம் தாமதமாகவும், வெள்ளிக்கிழமைகளில் 95 நிமிடம் தாமதமாகவும் இயக்கப்படும்.
இந்த 3 நாட்களுக்கும் வாஞ்சி மணியாச்சி- தூத்துக்குடி பாசஞ்சர் இணைப்பு ரெயிலாக செயல்படாது. ராஜபாளை யம்-சங்கரன் கோவில் பிரிவில் ரெயில் பாதை பலப்படுத்தும் பணிகள் காரணமாக மதுரையில் இருந்து காலை 11.30 மணிக்கு புறப்படும் செங்கோட்டை ரெயில், செங்கோட்டையில் இருந்து காலை 11.50 மணிக்கு புறப்படும் மதுரை பயணிகள் ரெயில் ஆகியவை இன்று முதல் வருகிற 15-ந் தேதி வரை முழுமையாக ரத்து செய்யப்படுகிறது.
கொடை ரோடு ரெயில் நிலையத்தில் பராமரிப்பு பணிகள் காரணமாக மதுரை -விழுப்புரம் ரெயில், இன்று முதல் 15-ந் தேதி வரை மதுரை-திண்டுக்கல் இடையே பகுதியாக ரத்து செய்யப்படுகிறது
மேற்கண்ட தகவலை மதுரை கோட்ட ரெயில்வே அலுவலகம் தெரிவித்துள்ளது.
