நீங்கள் தேடியது "Dalai Lama"

பெங்களூர்:

திபெத் புத்தமதத் தலைவர் தலாய்லாமா கடந்த ஜனவரி மாதம் பீகார் மாநிலம் புத்த கயாவில் நடந்த நிகழ்ச்சியில் கலந்து கொள்ள சென்றார்.

அப்போது அங்கு சக்தி வாய்ந்த 2 வெடிகுண்டுகள் பதுக்கி வைக்கப்பட்டு இருந்தது. அந்த 2 வெடிகுண்டுகளையும் தேசிய புலனாய்வு பிரிவு அதிகாரிகள் கைப்பற்றினர்.

இதையடுத்து தலாய் லாமா, பீகார் கவர்னர் சால்ஜி டாண்டன் ஆகியோரை கொல்ல முயன்றதாக ஜே.எம்.பி. அமைப்பினர் மீது வழக்கு தொடரப்பட்டது. பாட்னா சிறப்பு நீதிமன்றத்தில் நடந்து வரும் இவ்வழக்கில் கடந்த 27-ந்தேதி குற்றப்பத்திரிகை தாக்கல் செய்தனர்.

இந்த நிலையில் கர்நாடக மாநிலம் ராம்நகரில் பதுங்கி இருந்த ஜே.எம்.பி. அமைப்பை சேர்ந்த ஜவாஹில் அஸ்லாம், அகமதுஅலி, பைகம்பர் ஷேக், முனீர்நூர், அஸ்சாம் மொஹீன் ஆகிய 5 பேரை தேசிய புலனாய்வு பிரிவு அதிகாரிகள் கைது செய்தனர். அவர்களை பலத்த பாதுகாப்புடன் பீகாருக்கு அழைத்து சென்றனர்.

கைதான 5 பேரையும் பாட்னா சிறப்பு நீதிமன்றத்தில் ஆஜர்படுத்தி காவலில் எடுத்து விசாரிக்க தேசிய புலனாய்வு பிரிவு அதிகாரிகள் முடிவு செய்துள்ளனர். #DalaiLama

ஜம்மு:

சீனாவின் ஆக்கிரமிப்பில் இருக்கும் திபெத் நாட்டின் விடுதலைக்காக நாடு கடந்த போராட்டம் நடத்திவரும் திபெத்திய புத்தமத தலைவர் தலாய் லாமா இந்தியாவில் தஞ்சம் அடைந்தபடி திபெத் விடுதலை போராட்டத்தை வழிநடத்தி வருகிறார்.

சீன அரசின் கடுமையான எதிர்ப்பையும் மீறி தலாய் லாமாவுக்கு இந்தியா அரசியல் தஞ்சம் அளித்துள்ளது.

இந்நிலையில், தற்போது ஜம்மு-காஷ்மீர் மாநிலத்தில் சுற்றுப்பயணம் செய்துவரும் தலாய் லாமா, இன்று லடாக் பகுதியில் ஆதரவாளர்கள் மத்தியில் கேக் வெட்டி தனது 83-வது பிறந்தநாளை கொண்டாடினார். #DalaiLamabirthday