நீங்கள் தேடியது "chemical godown"

திருப்பூர்:

திருப்பூர் குமரன் ரோட்டில் சக்திவேல் என்பவருக்கு சொந்தமான கெமிக்கல் குடோன் உள்ளது.

இந்த குடோனில் இன்று மதியம் 1 மணியளவில் திடீரென தீ விபத்து ஏற்பட்டது. இதனை பார்த்ததும் அங்கு வேலை பார்த்த ஊழியர்கள் அலறியடித்து கொண்டு வெளியே ஓடி வந்தனர்.

இந்த தீ மளமளவென்று பரவ தொடங்கியது. கரும்புகை ஏற்பட்டது. இது குறித்து திருப்பூர் வடக்கு மற்றும், தெற்கு தீயணைப்பு நிலையத்திற்கு தகவல் தெரிவிக்கப்பட்டது.

இரு தீயணைப்பு நிலையங்களில் இருந்தும் தீயணைப்பு வீரர்கள் விரைந்து வந்து தீயை அணைக்க முயன்றனர். ஆனால் கெமிக்கலில் தீப்பிடித்ததால் உடனடியாக அணைக்க முடியவில்லை.

எனவே மேலும் கூடுதலாக தீயணைப்பு வாகனங்கள் வரவழைக்கப்பட்டு தீயை அணைக்கும் பணி நடைபெற்றது.

இந்த தீ விபத்தில் பல லட்சம் மதிப்புள்ள கெமிக்கல் எரிந்து சேதம் அடைந்ததாக கூறப்படுகிறது. இதுகுறித்து போலீசார் விசாரணை நடத்தி வருகிறார்கள்.