இந்திய சந்தையில் மாருதி எஸ் கிராஸ் கார் ஒரு லட்சம் விற்பனையை கடந்து இருக்கிறது. இதில் எஸ் கிராஸ் பழைய மற்றும் ஃபேஸ்லிஃப்ட் செய்யப்பட்ட எஸ்-கிராஸ் பிரீமியம் கிராஸ் ஓவர் மாடல்களும் அடங்கும்.
மாருதி எஸ் கிராஸ் ஃபேஸ்லிஃப்ட் கார் இந்தியாவில் 2017ல் அறிமுகம் செய்யப்பட்டது. செப்டம்பர் 2018ல் எஸ் கிராஸ் மாடலில் புதிய அம்சங்கள் வழங்கப்பட்டது. மாருதி சுசுகி நெக்சா பிரீமியம் நெட்வொர்க்கின் முதல் மாடலாக எஸ் கிராஸ் இருக்கிறது. கிராஸ் ஓவர் எஸ் கிராஸ் மாடலின் விற்பனையில் 36 சதவிகிதம் நெக்சா புளு நிற வேரியன்ட் இருக்கிறது.
தற்சமயம் இந்தியா முழுக்க 186 நகரங்களில் 329 நெக்சா விற்பனையகங்கள் இயங்கி வருகின்றன. ஃபேஸ்லிஃப்ட் செய்யப்பட்ட மாருதி எஸ் கிராஸ் மாடலின் முன்பக்கம் புதிய குரோம் கிரில், புதிய வடிவமைப்பு கொண்ட ஹெட்லேம்ப்கள், மஸ்குலர் பம்ப்பர் மற்றும் ஃபாக் லேம்ப்கள் வழங்கப்பட்டுள்ளன.
மாருதி எஸ் கிராஸ் ஃபேஸ்லிஃப்ட் மாடலின் உள்புறம் தொடுதிரை வசதி கொண்ட இன்ஃபோடெயின்மென்ட் சிஸ்டம், ஆன்ட்ராய்டு ஆட்டோ மற்றும் ஆப்பிள் கார் பிளே உள்ளிட்டவையும், சென்டர் கன்சோல், ஏ.சி. வென்ட்களில் குரோம் அக்சென்ட்கள், சாஃப்ட்-டச் டேஷ்போர்டு உள்ளிட்டவை வழங்கப்பட்டுள்ளது.
மாருதி எஸ் கிராஸ் மாடலில் 1.3 லிட்டர் நான்கு சிலிண்டர் டீசல் என்ஜின், 88.5 பி.ஹெச்.பி. பவர், 200 என்.எம். டார்கியூ செயல்திறன், 5 ஸ்பீடு மேனுவல் கியர்பாக்ஸ் வழங்கப்பட்டுள்ளது. இதன் டீசல் என்ஜினுடன் சுசுகியின் ஹைப்ரிட் சிஸ்டம் மற்றும் ரீ-ஜெனரேட்டிவ் பிரேக்கிங் வசதிகள் வழங்கப்பட்டுள்ளன.
