என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
16 ராணுவ டேங்கர்களை இதய வடிவில் நிறுத்தி 'லவ் ப்ரபோஸ்' செய்த வீரர்... காதலியின் பதில்?
Byமாலை மலர்16 Feb 2020 1:16 AM GMT (Updated: 16 Feb 2020 1:33 AM GMT)
ரஷியாவில் 16 ராணுவ டேங்கர்களை இதய வடிவில் நிறுத்தி வீரர் ஒருவர் தனது காதலியிடம் 'லவ் ப்ரபோஸ்' செய்த வீடியோ சமூக வலைதளத்தில் வேகமாக பரவிவருகிறது.
மாஸ்கோ:
உலகம் முழுவதும் கடந்த வெள்ளிக்கிழமை (பிப்ரவரி 14) காதலர்கள் தினம் கொண்டாடப்பட்டது. இளைஞர்களும், இளம்பெண்களும் விரும்பும் நபரிடம் தங்கள் காதலை தெரிவித்து மகிழ்ச்சியை பரிமாறிக்கொண்டனர்.
இதில் பலர் ரோஜா பூக்களை காதலன் அல்லது காதலிக்கு வழங்கி தங்கள் காதலை வெளிப்படுத்தினர். சில காதலர்கள் வித்தியாசமாக இந்த காதலர் தினத்தை கொண்டாடி மகிழ்ந்தனர்.
அதேபோல் ரஷியாவை சேர்ந்த ராணுவ ஒரு வீரர் தனது காதலியிடம் வித்தியாசமான முறையில் ப்ரபோஸ் செய்துள்ளார். அப்படி அவர் என்ன செய்தார் தெரியுமா?
ரஷியாவின் அலபினோ பகுதியில் உள்ள ராணுவ படைப்பிரிவில் வீரராக பணி புரிபவர் டெனிஸ் கென்ஸ்செவ்(23) . இவர் அலெஸ்சாண்டிரியா(19) என்பவரை காதலித்து வந்துள்ளார். தனது காதலியிடம் தனது காதலை கூற முடிவு செய்த டெனிஸ் காதலர் தினமான கடந்த வெள்ளிக்கிழமை அலெஸ்சாண்டிரியாவை தான் பணிபுரியும் ராணுவ தளத்திற்கு அழைத்துள்ளார்.
இதையடுத்து ராணுவ தளத்திற்கு வந்த தனது காதலியின் கண்களை மூடிய காதலன் ராணுவ தளத்தின் மையப்பகுதிக்கு அழைத்து சென்றான். அங்கு டெனிஸ் சக வீரர்களின் உதவியுடன் மொத்தம் 16 ராணுவ டேங்கர்களை இதய வடிவில் நிறுத்தி வைத்திருந்தார்.
VIDEO: A Russian officer finds a novel way to propose to his girlfriend using 16 military tanks parked in a heart-shaped formation pic.twitter.com/lMIdhyxOxE
— AFP news agency (@AFP) February 15, 2020
அப்போது கண்ணை திறந்த காதலி அலெஸ்சாண்டிரியா ராணுவ டேங்கர்கள் இதய வடிவில் சுற்றி நிற்பதையும், காதலன் டெனிஸ் கையில் பூங்கொத்துடன் தன்னை லவ் ப்ரபோஸ் செய்ததையும் கண்டு இன்ப அதிர்ச்சியடைந்தார். என்னை காதலிக்கிறாயா? என கேட்ட டெனிசின் கேள்விக்கு இன்ப அதிர்ச்சியில் இருந்த உடனடியாக ஆம் என கூறி காதலுக்கு சம்பதம் தெரிவித்தார். இதனால் காதலர்கள் இருவரும் இன்பத்தில் மகிழ்ந்தனர்.
16 ராணுவ டேங்கர்களை இதய வடிவில் நிறுத்தி ராணுவ வீரர் தனது காதலியிடம் காதலை வெளிப்படுத்திய வீடியோ தற்போது சமூக வலைதளத்தில் வேகமாக பரவிவருகிறது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X