சென்னை:
தங்கம் விலை கடந்த சில மாதங்களாகவே விலை அதிகரித்து வருகிறது.
சில மாதங்களுக்கு முன்பு பவுன் ரூ.37 ஆயிரத்துக்கு விற்ற தங்கம் படிப்படியாக உயர்ந்து கடந்த மாதம் ரூ.45 ஆயிரத்தை தாண்டியது.
கடந்த 1 மாதமாக தங்கம் விலை ரூ.44 ஆயிரம், ரூ.45 ஆயிரம் என்ற விலையிலேயே உயர்வதும், குறைவதுமாக இருந்தது.
இந்த நிலையில் தங்கம் விலை இன்று மீண்டும் வரலாறு காணாத வகையில் உயர்ந்து புதிய உச்சத்தை தொட்டது.
இன்று 1 பவுன் தங்கம் ரூ.46 ஆயிரமாக உயர்ந்துள்ளது. நேற்று ஒரு பவுன் தங்கம் ரூ.45,648 ஆக இருந்தது. இன்று பவுனுக்கு ரூ.352 அதிகரித்து ரூ.46 ஆயிரமாக உயர்ந்துள்ளது. முதல் முறையாக தங்கம் விலை பவுன் ரூ.46 ஆயிரத்தை தொட்டுள்ளது.
நேற்று 1 கிராம் தங்கம் ரூ.5,706-க்கு விற்கப்பட்டது. இன்று கிராமுக்கு ரூ.44 அதிகரித்து ரூ.5,750-க்கு விற்கப்படுகிறது.
இதே போல் வெள்ளி விலையும் இன்று அதிகரித்துள்ளது. நேற்று ஒரு கிராம் வெள்ளி ரூ.8180-க்கு விற்கப்பட்டது. இன்று கிராமுக்கு 1 ரூபாய் அதிகரித்து ரூ.82.80-க்கு விற்கப்படுகிறது. 1 கிலோ பார் வெள்ளி ரூ.82,800-க்கு விற்பனையாகிறது.
