என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
கோவை மாவட்டத்தில் உதயநிதி ஸ்டாலின் 4 நாட்கள் முகாம்
பொள்ளாச்சி:
தி.மு.க மாநில இளைஞரணி செயலாளரும், திருவல்லிக்கேணி- சேப்பாக்கம் தொகுதி எம்.எல்.ஏ.வுமான உதயநிதி ஸ்டாலின் நேற்று சென்னையில் இருந்து விமானம் மூலம் கோவை வந்தார். அதன்பின்னர் கார்மூலம் வால்பாறைக்கு சென்ற அவர் அங்குள்ள தனியார் விடுதியில் தங்கி ஓய்வெடுக்கிறார்.
தொடர்ந்து 4 நாட்கள் கோவையில் முகாமிடும் அவர் மாவட்டத்தில் மேற்கொள்ளப்படும் கொரோனா தடுப்பு பணியை பார்வையிடுகிறார். நாளை காலை வால்பாறையில் உள்ள தனியார் அரங்கில் நடைபெறும் நிகழ்ச்சியில் பங்கேற்கும் உதயநிதி ஸ்டாலின் அங்கு பொதுமக்களுக்கு கொரோனா நிவாரண பொருட்களை வழங்குகிறார்.
தொடர்ந்து வால்பாறை அரசு ஆஸ்பத்திரிக்கு செல்லும் அவர், அங்கு ரூ.35 லட்சம் மதிப்பில் அமைக்கப்பட்டுள்ள ஆக்சிஜன் உற்பத்தி நிலையத்தை தொடங்கி வைக்கிறார். வால்பாறையில் நிகழ்ச்சிகளை முடித்து கொண்டு மாலையில் நெகமம் பகுதிக்கு வரும் உதயநிதி ஸ்டாலின் அங்கும் பொதுமக்களுக்கு கொரோனா நிவாரண பொருட்களை வழங்குவதுடன், கொரோனா சிகிச்சை மையத்தையும் தொடங்கி வைக்க உள்ளார்.
புறநகர் பகுதிகளில் பார்வையிட்டு முடிந்ததும் நாளை மறுநாள்(சனிக்கிழமை) கோவை மாநகர் பகுதிக்கு வரும் அவர் கோவை மற்றும் பெரியநாயக்கன்பாளையம் பகுதிகளில் பங்கேற்று பொதுமக்களுக்கு நிவாரண பொருட்கள் வழங்குகிறார். இதுபோன்று மாவட்டம் முழுவதும் நடைபெறும் பல்வேறு நிகழ்ச்சிகளில் உதயநிதி ஸ்டாலின் பங்கேற்று நிவாரண பொருட்கள் வழங்குவதுடன், கொரோனா தடுப்பு பணியிலும் ஈடுபடுகிறார்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்