என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
திருப்பூரில் கார் ஆம்புலன்ஸ் திட்டம்-மு.க.ஸ்டாலின் தொடங்கி வைத்தார்
Byமாலை மலர்30 May 2021 7:55 AM GMT (Updated: 30 May 2021 8:27 AM GMT)
திருப்பூர் அரசு மருத்துவக்கல்லூரி மருத்துவமனை வளாகத்தில் தன்னார்வலர்கள் மூலம் அமைக்கப்பட்டுள்ள 100 ஆக்சிஜன் படுக்கை மையம் மற்றும் கார் ஆம்புலன்ஸ் சேவையை தமிழக முதல்வர் மு.க.ஸ்டாலின் தொடங்கி வைத்தார்.
திருப்பூர்:
கோவை, திருப்பூர், ஈரோடு மாவட்டங்களில் கொரோனா தொற்று அதிகரித்ததை தொடர்ந்து இன்று 3 மாவட்டங்களிலும் கொரோனா தடுப்பு பணிகளை தமிழக முதல்-அமைச்சர் மு.க.ஸ்டாலின் ஆய்வு செய்தார்.முதலில் ஈரோட்டில் ஆய்வு பணிகளை முடித்த மு.க.ஸ்டாலின், பின்னர் திருப்பூர் வந்தார்.
திருப்பூர் அரசு மருத்துவக்கல்லூரி மருத்துவமனையில் திருப்பூர் ஏற்றுமதியாளர் கூட்டமைப்பு மற்றும் சாய ஆலை உரிமையாளர்கள் சங்கம் சார்பில் அமைக்கப்பட்ட 100 ஆக்சிஜன் படுக்கை வசதியுடன் கூடிய கொரோனா சிகிச்சை மையத்தை திறந்து வைத்தார்.
இதையடுத்து திருப்பூர் மாநகராட்சி பகுதிகளில் ஆம்புலன்ஸ் ற்றாக்குறையை போக்கும் விதமாக 20 கார் ஆம்புலன்ஸ் சேவையையும் தொடங்கி வைத்தார்.மேலும் 6 மருத்துவர்களுக்கு தற்காலிக பணி ஆணையையும் வழங்கினார்.
இந்நிகழ்ச்சியில் மருத்துவம் மற்றும் மக்கள் நல்வாழ்வுத் துறை அமைச்சர் மா.சுப்பிரமணியம், செய்தித்துறை அமைச்சர் மு.பெ.சாமிநாதன், ஆதிதிராவிடர் நலத்துறை அமைச்சர் கயல்விழி செல்வராஜ், வீட்டு வசதித்துறை அமைச்சர் முத்துசாமி, தமிழக வேளாண்மை துறை செயலாளரும், திருப்பூர் மாவட்ட கொரோனா தடுப்பு சிறப்பு கண்காணிப்பாளருமான சமயமூர்த்தி, திருப்பூர் மாவட்ட கலெக்டர் விஜயகார்த்திகேயன் மற்றும் பலர் கலந்து கொண்டனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X