மேட்டூர் அணை நீர்மட்டம் 106.77 அடியாக உயர்வு

சேலம்:

காவிரி நீர்பிடிப்பு பகுதிகளில் பெய்த மழையால் மேட்டூர் அணைக்கு தொடர்ந்து தண்ணீர் வந்து கொண்டிருக்கிறது. நேற்று 1270 கன அடியாக இருந்த நீர்வரத்து இன்றும் அதே அளவில் வந்து கொண்டிருக்கிறது. அணையில் இருந்து காவிரியில் 500 கன அடியும், கால்வாயில் 400 கன அடியும் திறந்து விடப்பட்டுள்ளது.

அணைக்கு வரும் தண்ணீரை விட அணையில் இருந்து குறைந்த அளவே தண்ணீர் திறந்து விடப்படுவதால் அணை நீர்மட்டம் உயர்ந்து வருகிறது. நேற்று 106.76 அடியாக இருந்த மேட்டூர் அணை நீர்மட்டம் இன்று 106.77 அடியாக உயர்ந்தது.