திருவண்ணாமலை:
திருவண்ணாமலையில் வளர்ச்சி பணி, கொரோனா தடுப்பு பணிகள் குறித்து ஆலோசித்த பின்னர் செய்தியாளர் சந்திப்பில் முதலமைச்சர் எடப்பாடி பழனிசாமி கூறியதாவது:
* நாட்டிலேயே கொரோனா இறப்பு தமிழகத்தில்தான் குறைவாக உள்ளது.
* அதிக பரிசோதனை செய்யப்படுவதால் கொரோனா பரவுவது தடுக்கப்பட்டுள்ளது.
* தமிழகத்தில் போதிய மருத்துவ கருவிகள் இருப்பில் உள்ளன.
* திருவண்ணாமலை கோவில் பக்தர்களின் வசதிக்காக ரூ.31.24 கோடி செலவில் தங்கும் விடுதி கட்டப்பட்டு வருகிறது.
* திருவண்ணாமலை மாவட்டத்தில் 12,000க்கும் மேற்பட்டோருக்கு முதியோர் உதவித்தொகை புதிதாக வழங்கப்பட்டுள்ளது.
* குடிசை மாற்று வாரியத்தின் சார்பில் வந்தவாசியில் 144 அடுக்குமாடி குடியிருப்பு வீடுகள் கட்டப்பட்டுள்ளன.
* நதிநீர் பிரச்சனையில் தமிழகத்தின் உரிமையை விட்டுக்கொடுக்க மாட்டோம்.
* கிசான் திட்ட முறைகேட்டை கண்டுபிடித்து நடவடிக்கை எடுத்ததே தமிழக அரசுதான்.
* கிசான் திட்ட முறைகேடு தொடர்பாக சிபிசிஐடி விசாரணைக்கு உத்தரவிடப்பட்டுள்ளது.
* கிசான் திட்ட முறைகேட்டில் ஈடுபட்டவர்கள் மீது சட்டரீதியான நடவடிக்கை எடுக்கப்படும்.
இவ்வாறு அவர் கூறினார்
