மேட்டூர் அணைக்கு நீர்வரத்து மேலும் சரிவு

மேட்டூர்:

மேட்டூர் அணைக்கு நேற்று 456 கன அடியாக இருந்த நீர்வரத்து இன்று மேலும் சரிந்து 398 கன அடியாக வந்து கொண்டிருக்கிறது.

அணையில் இருந்து குடிநீர் தேவைக்காக காவிரி ஆற்றில் 1000 கன அடி தண்ணீர் திறந்து விடப்பட்டு வருகிறது. அணைக்கு வரும் தண்ணீரை விட அணையில் இருந்து கூடுதல் தண்ணீர் திறந்து விடப்படுவதால் அணையின் நீர்மட்டம் வேகமாக சரிந்து வருகிறது.

நேற்று 45.22 அடியாக இருந்த மேட்டூர் அணையின் நீர்மட்டம் இன்று மேலும் சரிந்து 45.11 அடியானது.