மேட்டூர் அணை நீர்மட்டம் 97 அடியாக சரிவு

மேட்டூர்:

காவிரி நீர்பிடிப்பு பகுதிகளில் கடந்த சில நாட்களில் மீண்டும் மழை பெய்து வருகிறது. இதனால் மேட்டூர் அணைக்கு நீர்வரத்து படிப்படியாக அதிகரித்து வருகிறது.

கடந்த 31-ந்தேதி 3012 கனஅடியாக இருந்த நீர்வரத்து, நேற்று 4,072 கனஅடியாக இருந்தது. இன்று நீர்வரத்து மேலும் அதிகரித்து 4,130 கனஅடியாக வந்து கொண்டிருக்கிறது.

அணையில் இருந்து நேற்று காலை 13ஆயிரத்து 850 கனஅடி தண்ணீர் திறந்து விடப்பட்ட நிலையில், இன்று காலை 5ஆயிரத்து 850 கனஅடி தண்ணீர் திறந்து விடப்பட்டு வருகிறது. அணைக்கு வரும் தண்ணீரை விட அணையில் இருந்து கூடுதல் திறந்து விடப்படுவதால் அணையின் நீர்மட்டம் சரிந்து வருகிறது.

நேற்று 98.04 அடியாக இருந்த மேட்டூர் அணை நீர்மட்டம், இன்று 97.84 அடியாக சரிந்தது. #MetturDam